بجٹ پر عمل آوری کیا جائے، تھوڑ پھوڑ اور ڈرامہ بازی کی سیاست سے پرے تعمیری کاموں کو فوقیت دیں :شیخ رشید

بجٹ پر عمل آوری کیا جائے، تھوڑ پھوڑ اور ڈرامہ بازی کی سیاست سے پرے تعمیری کاموں کو فوقیت دیں :شیخ رشید 

اندرون آٹھ یوم مطالبات پورے نہ ہوئے تو کارپوریشن پر گیٹ بند اندولن کرنے کا اعلان 

مالیگاؤں :( بیباک نیوز اپڈیٹ) موجودہ باڈی کے منظور کیے گئے بجٹ کو چھ ماہ گزرنے کے باوجود عمل آوری نہیں کی جارہی ہیں ۔  اس کے ذمہ دار ایڈمنسٹریٹر بھال چندر گوساوی ہیں، ان پر شہر کی ترقی میں تعطل کا الزام لگاتے ہوئے سابق میئرز شیخ رشید اور طاہرہ شیخ نے خبردار کیا کہ اگر آئندہ آٹھ روز میں بجٹ کے مطابق کارروائی نہ کی گئی تو کارپوریشن کو بند کر دیا جائے گا۔ بدھ کو دونوں سابق میئر کے ایک وفد نے ایڈیشنل کمشنر گنیش گری، چیف اکاؤنٹنٹ راجو کھیرنار، اسسٹنٹ کمشنر سچن مہالے سے ملاقات کی اور انتظامیہ کو کارروائی کے لیے آٹھ دن کا الٹی میٹم دیا۔  جس کے بعد سابق میئر شیخ رشید نے ہال میں پریس کانفرنس کی اور اپنا موقف بیان کیا۔انہوں نے کہا کہ موجودہ باڈی نے اپنی مدت ختم ہونے سے قبل مالیاتی سال 2022-23 کے بجٹ کی منظوری دے دی تھی۔ اب چھ مہینے ہو گئے ہیں لیکن چونکہ ایڈمنسٹریٹر گوساوی نے اس پر دستخط نہیں کیے اس لیے فنڈز کی تقسیم رک گئی جسکی وجہ سے شہر میں تعمیری کاموں پر روک لگی ہوئی ہیں۔

شیخ رشید نے کہا کہ کارپوریشن انتظامیہ کی جانب سے من مانی کا سلسلہ جاری ہے۔ شیخ رشید نے کہا کہ آگرہ روڈ پر دھاندلی اور ڈرامہ بازی کی گئی اور اب وارڈ کمیٹی نمبر ایک میں توڑ پھوڑ کی گئی۔ پھر انتظامیہ نے فنڈز مختص کرنے کا وعدہ کیا۔ انتظامیہ کا کیا پیغام ہے؟ شیخ رشید نے خبردار کیا کہ اگر قرارداد کے مطابق آئندہ آٹھ دنوں میں بجٹ جاری نہ کیا گیا اور شہر میں خراب رستوں، بند راستوں اور نالے و گٹر کے کاموں کو شروع کیا گیا تو آئندہ بدھ سے کارپوریشن کے صدر دروازے پر دھرنا تحریک چلائی جائے گی اور وقت پڑا تو گیٹ بند اندولن کیا جائے گا ۔

 شیخ نے یہ بھی الزام لگایا کہ حکام شہر کی ترقی کے بارے میں منفی رویہ اختیار کر رہے ہیں۔  سیاسی اہلکار توڑ پھوڑ کرتے ہیں لیکن ان کے خلاف کوئی مقدمہ درج نہیں ہوتا۔انہوں نے کہا کہ جب ہم اقتدار میں تھے تو ہم نے اصول پر عمل کیا کہ میونسپل کارپوریشن کے خلاف کبھی کوئی سیاسی محاذ نہیں تھا۔شیخ رشید نے وضاحت کی کہ ایڈمنسٹریٹر دونوں حصوں کے ساتھ یکساں سلوک کرے، اگر بجٹ پر عملدرآمد نہ ہوا تو ہائی کورٹ میں اپیل کی جائے گی۔وہیں سابق میئر طاہرہ شیخ نے منتظمین کے کام کرنے کے انداز پر برہمی کا اظہار کرتے ہوئے متنبہ کیا کہ اگر بجٹ پر عملدرآمد نہ ہوا تو میونسپل کارپوریشن کو بند کردیا جائے گا۔  اس موقع پر سابق کارپوریٹر شکیل جانی بیگ، فاروق شیخ اور این سی پی ممبران موجود تھے۔