میاں بیوی کی مشتبہ موت، سر میں چوٹ کے نشانات اور جسم جلا ہوا ، قتل یا حادثہ ، پولس جانچ جاری

میاں بیوی کی مشتبہ موت، سر میں چوٹ کے نشانات اور جسم جلا ہوا ، قتل یا حادثہ ، پولس جانچ جاری 

ہنگلاج نگر میں دل سوز واقعہ سے پورے علاقے میں سنسنی، بزرگ جوڑے کی لاش کا پنچ نامہ جاری 

 مالیگاؤں : 17 نومبر (بیباک نیوز اپڈیٹ ہنگلاج نگر مالیگاؤں میں سکونت پذیر میاں بیوی کی مشتبہ موت ہوگئی جس کی وجہ سے علاقہ میں سنسنی پھیل گئی۔ یہ واقعہ آج صبح کے وقت پیش آیا۔اس مشتبہ موت کا معمہ حل کرنے کا چیلنج فی الحال پولیس کے سامنے ہے۔ کیا یہ حادثہ ہے یا واقعی میں قتل؟ اور قاتل کون؟ پولس مزید تحقیقات کر رہی ہے تاکہ یہ معلوم کیا جا سکے کہ آیا ان کے ساتھ کوئی اور بھیانک واقعہ تو انجام نہیں دیا گیا ہے۔

 الطاف حسین محمد سعید اور القمہ الطاف حسین ہنگلاج نگر میں رہنے والے میاں بیوی تھے۔ ان کی لاشیں گھر سے صبح ملی ہیں۔ دونوں کی لاشوں کی اطلاع ملتے ہی پولیس موقع پر پہنچ گئی۔

 پولیس کی جانب سے کیے گئے معائنے میں القمہ الطاف حسین نامی خاتون کی لاش جزوی طور پر جلی ہوئی حالت میں ملی۔ اس لیے بہت سے شبہات جنم لے رہے ہیں۔ القمہ کے شوہر الطاف کے سر پر چوٹیں آئی ہیں۔ ان دونوں لاشوں کا پوسٹ مارٹم کیا جائے گا اور یہ دیکھنا ضروری ہے کہ اصل میں کیا انکشاف ہوتا ہے۔

 مشتبہ طور پر مرنے والے جوڑے بزرگ تھے اور گھر میں اکیلے رہتے تھے۔ انکی کی لاش گھر سے ملنے کے بعد اب پولیس مزید تفتیش کر رہی ہے۔ اس بات کا بھی امکان ہے کہ ان پر حملہ کرکے انہیں ڈکیتی کے مقصد سے قتل تو نہیں کیا گیا۔ لیکن اس مشتبہ موت کے معاملے میں ابھی تک کوئی وضاحت نہیں ہے۔

 پولیس کی جانب سے موت کے معاملے کی گہرائی سے تفتیش کی جا رہی ہے۔ پولیس آس پاس کے علاقے میں رہنے والی عوام سے اس قتل کے متعلق چھان بین کر رہی ہے۔ یہ دیکھنا اہم ہوگا کہ اس انکوائری سے کیا معلومات سامنے آتی ہیں۔