طالبات کو سالانہ 50 ہزار روپے اسکالرشپ فراہم کرنے کا اعلان ، خواہش مند اہل طالبات آن لائن عریضہ کریں
پرگتی اسکالرشپ اسکیم کے تحت آل انڈیا کونسل آف ٹیکنیکل ایجوکیشن کا میرٹ کی بنیاد پر مہاراشٹر سمیت تمام ریاستوں کی طالبات کو مالی امداد
ممبئی : 20 اگست (بیباک نیوز اپڈیٹ) ملک میں فنی (انجینئرنگ) تعلیم حاصل کرنے والی لڑکیوں کی تعداد میں اضافہ ہونا چاہیے۔ اس کے علاوہ لڑکیوں کو تعلیم کے لیے مالی مدد فراہم کرنے کے لیے انجینئرنگ ڈپلومہ کی تعلیم حاصل کرنے والی لڑکیوں کو سالانہ 50,000 روپے کی اسکالرشپ دی جائے گی۔ پرگتی اسکالرشپ اسکیم کے تحت آل انڈیا کونسل آف ٹیکنیکل ایجوکیشن (AICTE) میرٹ کی بنیاد پر مہاراشٹر سمیت تمام ریاستوں کے طالبات کو یہ اسکالرشپ فراہم کرے گی۔
اس ضمن میں AICTE نے ایک سرکلر کے ذریعے یہ جانکاری جاری کی ہے۔ یہ اسکالرشپ پہلے سال یا براہ راست دوسرے سال کے لیے انجینئرنگ کورس میں ڈپلومہ میں داخلے کے لیے دی جائے گی۔ ملک بھر کی ریاستوں سے کل 5000 طالبات کو داخلہ کے وقت 10ویں نمبر یا کوالیفائنگ نمبروں کی بنیاد پر اس اسکالرشپ سے نوازا جائے گا۔ اس کے لیے دلچسپی رکھنے والے طلبہ کو نیشنل اسکالرشپ پورٹل کے ذریعے آن لائن درخواست جمع کرنی ہوگی۔
اس اسکالرشپ کے لیے خاندان کی مشترکہ آمدنی آٹھ لاکھ روپے کے اندر ہونی چاہیے۔ درخواست جمع کرانے کے بعد،جس کالج یا ادارے میں تعلیم حاصل کی جارہی ہے اس ادارے کو درخواست کی تصدیق کرنی ہوگی۔ اس کے بعد ڈائریکٹوریٹ آف ٹیکنیکل ایجوکیشن (DTE) درخواست کی تصدیق کرے گا اور اسکالرشپ حاصل کرنے کے لیے کارروائی کرے گا۔ اس سلسلے میں مہاراشٹر کی 624 طالبات کو اسکالرشپ دی جائے گی۔ اسی طرح یہ وظیفہ شمال مشرقی ریاستوں اور مرکز کے زیر انتظام علاقوں کی تمام مستحق طالبات کو دیا جائے گا۔
اسکالرشپ کی مزید معلومات اور اہم تاریخوں کے لیے برائے مہربانی نیشنل اسکالرشپ پورٹل اور 'AICTE' کی ویب سائٹ دیکھیں۔ شکریہ۔
اشاعتیں
0 تبصرے
bebaakweekly.blogspot.com