ایک نائب وزیر اعلیٰ، 8 کابینی ، 5 وزیر مملکت کا عہدہ اور مرکزی حکومت کے اقتدار میں حصہ داری

ایک نائب وزیر اعلیٰ، 8 کابینی ، 5 وزیر مملکت کا عہدہ اور مرکزی حکومت اقتدار میں بھی میں حصہ داری کی پیشکش 

ایکناتھ شندے گروپ میں 45 سے 47 ایم ایل ایز کا دعویٰ ،شیو سینا کیساتھ آزاد کا بھی گمان، بی جے پی کی نئی حکومت کیلئے دوڑ دھوپ 

ممبئی: 23 جون (بیباک نیوز اپڈیٹ) پچھلے دو دنوں میں مہاراشٹر میں بڑی تیزی سے سیاسی حالات تبدیل ہوئے ہیں جس سے ریاست مہاراشٹر کی عوام سمیت پورا ملک ان واقعات پر نظر رکھے ہوئے ہے۔ باغی لیڈر ایکناتھ شندے کا کردار ریاست کی سیاست میں ہلچل مچا رہا ہے۔ فی الحال شندے گروپ میں ایم ایل اے کی تعداد بڑھ رہی ہے۔ شندے گروپ میں 45 سے 47 ایم ایل اے ہونے کا دعویٰ کیا جارہا ہے۔ ساتھ ہی یہ بات بھی چل رہی ہے کہ بی جے پی کے ساتھ اتحاد کی صورت میں بی جے پی نے ایکناتھ شندے کو بڑی پیشکش کی ہے۔

اپوزیشن لیڈر دیویندر فڑنویس ایسے وقت دہلی روانہ ہوئے تھے جب ریاست کی سیاست بدل رہی تھی۔ آج تک فڑنویس نے اس پر کوئی ردعمل ظاہر نہیں کیا ہے۔ تاہم شندے گروپ کو بی جے پی کے حوالے کرنے کی تیاریاں جاری ہیں۔ اس میں شندے کے پاس نہ صرف شیوسینا ہے بلکہ آزاد ایم ایل اے بھی ہیں۔ معلوم ہوا ہے کہ بی جے پی نے شندے گروپ کو پیشکش کی ہے۔ 

ایکناتھ شندے کو نائب وزیر اعلیٰ، 8 کابینی وزیر اور 5 وزیر مملکت کا عہدہ دیئے جانے کا امکان ہے۔ اس کے علاوہ مرکز میں بھی اقتدار میں حصہ داری کا امکان ہے۔ مرکز میں دو وزارتی عہدے دیے جائیں گے۔ یہ بھی کہا جا رہا ہے۔ ایسی معلومات ذرائع سے آرہی ہیں۔ دریں اثنا، سمجھا جاتا ہے کہ ایکناتھ شندے اب بی جے پی کی پیشکش پر بات کریں گے۔ معلوم ہوا ہے کہ ایکناتھ شندے کے پاس شیوسینا کے 46 ایم ایل اے ہیں۔