ضلع احمد نگر میں مہاراشٹر کا پہلا شیشے کا پل رندھا آبشار پر بنایا جائے گا، پانچ کروڑ روپے فنڈ منظور

ضلع احمد نگر میں مہاراشٹر کا پہلا  شیشے کا پل رندھا آبشار پر بنایا جائے گا، پانچ کروڑ روپے فنڈ منظور 

 

احمد نگر : 4 اپریل (بیباک نیوز اپڈیٹ) ضلع میں جلد ہی شیشے کا پل نظر آئے گا۔ یہ بات عجیب لگ رہی ہے لیکن یہ سچ اور قابل تعریف ہے۔اکولہ تعلقہ کے مشہور رندھا آبشار پر جلد ہی شیشے کا پل تعمیر کیا جائے گا۔ شیشے کا پل مہاراشٹر کا پہلا اور ملک کا چھٹا پل ہوگا۔

 امید ہے کہ یہ آکولہ تعلقہ میں سیاحت کے فروغ کے لیے کافی فائدہ مند ثابت ہوگا۔  دریں اثنا، اس کام کے لیے 5 کروڑ میں سے 2.5 کروڑ روپے فنڈ حال ہی میں موصول ہوئے ہیں۔اسطرح کی معلومات ڈاکٹر کرن لہامٹے نے دی ۔

 انہوں نے یہ بھی یقین دلایا کہ اس کام کے لیے فنڈز میں کمی نہیں کی جائے گی۔  ڈاکٹر  کرن لہامٹے نے یہ معلومات پریس کانفرنس میں دی۔  موصوف نے کہا کہ آکولہ تعلقہ میں آج تک بہت زیادہ فنڈز لایا گیا ہے اور اب سے مزید لایا جائے گا۔

 

 رندھا میں شیشے کا پل مہاراشٹر کا پہلا اور ملک کا چھٹا پل ہے۔  گھٹن دیوی کے لیے بھی کوششیں جاری ہیں اور جلد ہی اس پر فیصلہ کیا جائے گا۔

 انہوں نے کہا کہ کلسو بائی میں روپ وے اہم ہے اور مقامی دیہاتی اسے غلط سمجھ رہے ہیں۔  "لیکن میں نے مقامی لوگوں سے بات کی ہے اور کوئی فیصلہ کیا جائے گا،"۔

 

آکولہ تعلقہ قدرتی حسن سے بھرپور ہے۔  اس جگہ بہت سے قدرتی عجائبات دیکھے جا سکتے ہیں۔  پورے مہاراشٹر سے اس جگہ پر بہت سے سیاح آتے ہیں۔

 اس لیے یہاں سیاحت کے فروغ کے لیے ہر ممکن کوشش کی جا رہی ہے۔  رندھا فالس پر بننے والا شیشے کا پل بھی اسی کاوش کا حصہ ہے۔