ناسک پولس کمشنر دیپک پانڈے کے تبادلے کی گونج، قیصر خالد، کرشن پرکاش یا پھر کون ہوگا ناسک پولس کمشنر؟

ناسک پولس کمشنر دیپک پانڈے کے تبادلے کی گونج، قیصر خالد، کرشن پرکاش یا پھر کون ہوگا ناسک پولس کمشنر؟  

 ناسک: ناسک کے پولس کمشنر دیپک پانڈے جنہوں نے حال ہی میں لیٹر بم کو چھوڑ کر ریونیو منسٹرز کو بھی اپنی جانب متوجہ کردیا ہے ۔اب ان کا تبادلہ ہونے کی گونج سنائی دے رہی ہے۔ قابل ذکر ہے کہ اس متنازعہ خط و کتابت سے قبل بھی یہ بات سامنے آئی تھی کہ پانڈے ٹرانسفر کا مطالبہ کر چکے ہیں۔ اس لیے ان کی جگہ کون لے گا اس پر کافی بحث بھی عام ہے۔ فی الحال، پمپری-چنچواڑ کے پولیس کمشنر کرشنا پرکاش، برہن ممبئی کے جوائنٹ کمشنر سنجے دراڈے، تھانے کے دتا کرالے، ممبئی کے ریلوے کمشنر قیصر خالد اور پونے کے جوائنٹ کمشنر میں سے ایک رویندر شیوسے کا تبادلہ ناسک کیا جا سکتا ہے۔ 

 ناسک پولیس کمشنریٹ آئی جی پی رینک کا ہے۔ فی الحال پمپری-چنچواڑ پولیس کمشنر کرشنا پرکاش کی تین سالہ میعاد ختم ہو رہی ہے۔ انہیں ستمبر میں تبدیل کیا جا سکتا ہے۔ اس بات کو ذہن میں رکھتے ہوئے، اس بات کی گونج ہے کہ انہیں ترقی دے کر ناسک بھیج دیا جائے گا۔

 ممبئی ریلوے پولیس کمشنر قیصر خالد نے گزشتہ سال یہ عہدہ سنبھالا تھا۔ تاہم آئی جی پی رینک کی وجہ سے انہیں ترقی بھی مل سکتی ہے۔ اگر ایسا ہوتا ہے تو انہیں بھی ناسک منتقل کیا جا سکتا ہے۔ تاہم، یہ دیکھنا باقی ہے کہ موجودہ ناسک پولیس کمشنر دیپک پانڈے کے تبادلے کی درخواست کو قبول کیا جائے گا یا نہیں۔ پانڈے کے ستارے گزشتہ کچھ دنوں سے گردش میں ہے۔