ہمارے مقصد بلا سودی نظام کو 1200 شیئر ہولڈرس کا اعتماد، جنتا بینک چناؤ میں بنکر پینل کا عزم جواں ، تعمیری محاذ بلا سودی نظام کو ترجیح دیں ہم سپورٹ کریں گے:بنکر پینل
صرف دو ہفتوں کی جدوجہد اور سیاسی شراکت داری کے بغیر ہم نے چناؤ لڑا، مستقبل میں کامیابی ضرور ملے گی :ڈاکٹر ہارون
مالیگاؤں : 27 مارچ (بیباک نیوز اپڈیٹ) مالیگاؤں شہر کی معروف بنکروں کی جنتا کو آپریٹو بینک کا الیکشن تاریخ میں پہلی بار دلچسپ ہوا اور بلا آخر برسر اقتدار تعمیری محاذ کا پورا پینل اپنی کامیابی برقرار رکھنے میں کامیاب ہوگیا ۔
اس ضمن میں بنکر پینل کے ڈاکٹر ہارون نے نمائندہ بیباک کو بیان دیتے ہوئے کہا کہ ہم ہمارے مقصد میں کامیابی کی طرف تیزی سے چل پڑے ہیں اور یہی وجہ ہے کہ ہمیں 1200 سے زائد شیئر ہولڈروں نے اپنا اعتماد کا ووٹ دیا ہے ۔انہوں نے کہا کہ محض پندرہ دنوں کی مستقل محنت اور غیر سیاسی سپورٹ کے ہم نے بنکر پینل کی شناخت درج کروائی ہے ۔جو ہمارے لئے نیک خواہشات کا ضامن ہے ۔
ڈاکٹر ہارون نے کہا کہ ہم بوگس ووٹوں سے پاک الیکشن کرانے میں کامیاب ہوئے ہیں اور پہلی بار لگا کہ جنتا بینک کا شفاف الیکشن ہوا ہے ۔انہوں نے کہا کہ ہم نے بلا سودی نظام کو لیکر جو جدوجہد کی اسے مکمل کامیابی تو نہیں ملی لیکن یہ ایک پہل ہے جو ہمارے لئے روشنی کی کرن بنی ہوئی ہیں ۔ڈاکٹر ہارون نے کہا کہ ہمارے ساتھ کھل کر سیاسی سپورٹ نہیں رہا لیکن سامنے سے تعمیری محاذ والوں کو شہر کی سیاسی پارٹیوں نے کھل کر سپورٹ کیا ۔جو مناسب نہیں تھا ۔انہوں نے کہا کہ ہم نہیں چاہتے کہ بینک کے الیکشن میں سیاسی شراکت داری کھل کر لی جائے ۔
بنکر پینل کی مثال ایسی ہے کہ مقابلہ تو دل ناتواں نے خوب کیا ۔لیکن ہماری جدوجہد جاری رہے گی ۔ڈاکٹر ہارون نے برسر اقتدار تعمیری محاذ سے کہا کہ ہمارا شہر مساجد و مدارس کا ہے اور یہ بینک مسلمانوں کی ہیں اس لئے ہمارے عنوان غیر سودی رواج کو اپنانے کیلئے اگر برسر اقتدار محاذ کرتا ہے تو ہم اس نیک کام میں تعاون پیش کریں گے ۔انہوں نے بنکر پینل کی جانب سے تمام ووٹرس کا شکریہ ادا کیا ہے ۔
اشاعتیں
0 تبصرے
bebaakweekly.blogspot.com