کانگریس نے این سی پی سے لیا مالیگاؤں کارپوریشن کا بدلہ ، جنتور، سیلو میونسپل کونسل کے صدربلدیہ سمیت این سی پی کے 20 کونسلر کانگریس میں شامل
ممبئی، 13 فروری: (بیباک نیوز اپڈیٹ) آئندہ بلدیاتی انتخابات سے پہلے ریاست میں سیاسی پیش رفت زور پکڑ رہی ہے۔ دیگر جماعتوں کے قائدین، تمام پارٹیاں اپنی پارٹی میں ورکروں کو شامل کرنے کے لیے کوشاں ہیں۔ چند دن پہلے مالیگاؤں میونسپل کارپوریشن کے 28 کارپوریٹرس کانگریس کو خیرباد کہہ کر نیشنلسٹ کانگریس پارٹی (این سی پی) میں شامل ہوئے تھے۔ اور اس وقت کانگریس صدر نانا پٹولے نے کہا تھا کہ ہم بھی اگر کسی کو کانگریس میں شامل کریں تو انہیں ناراض نہیں ہونا چاہئے ۔اسی ضمن میں مالیگاؤں میونسپل کارپوریشن میں کانگریس کو جھٹکا دیکر این سی پی میں شامل ہونے کا آج کانگریس نے بدلے لے لیا ہے ۔
تفصیلات کے مطابق کانگریس پارٹی نے بھی یہی قدم اٹھایا ہے۔ آج، کانگریس پارٹی نے این سی پی کے صدر بلدیہ سمیت 20 کارپوریٹروں کو پارٹی میں شامل کرلیا ہے ۔
پربھنی ضلع کے جنتور اور سیلو میونسپل کونسلوں میں، 20 کارپوریٹروں نے کانگریس پارٹی میں شمولیت اختیار کی ہے، بشمول این سی پی صدر بلدیہ ۔ اس کے علاوہ مراٹھواڑہ کے پربھنی، اورنگ آباد اور ناندیڑ کے این سی پی کےعہدیداروں نے بھی اپنے ہاتھوں میں کانگریس کا جھنڈا اٹھا رکھا تھا۔
پارٹی میں داخلے کی تقریب ممبئی کے تلک بھون میں منعقد ہوئی۔ اس بار نہ صرف این سی پی بلکہ دیگر پارٹیوں کے افراد نے بھی کانگریس کے ساتھ ہاتھ ملایا ہے۔ آنے والے بلدیاتی انتخابات سے قبل ریاست میں سیاسی ماحول گرم ہو رہا ہے اور دل بدلنے کی سیاست شروع ہو گئی ہے۔ ریاست میں آئندہ بلدیاتی انتخابات کے پس منظر میں مراٹھواڑہ میں یہ ایک بڑی ہلچل تصور کی جا رہی ہے۔
اشاعتیں
0 تبصرے
bebaakweekly.blogspot.com