بوگس سرٹیفکیٹ پائے جانے والے اساتذہ کو نوکری سے ہاتھ دھونا پڑے گا ، حکومت نے سنجیدگی سے لیا نوٹس

بوگس سرٹیفکیٹ پائے جانے والے اساتذہ کو نوکری سے ہاتھ دھونا پڑے گا ، حکومت نے سنجیدگی سے لیا نوٹس 

کولہاپور: 8 جنوری (بیباک نیوز اپڈیٹ) حکومت نے محکمہ صحت، ایم مہاڈا کے امتحان میں گڑبڑ کے بعد ریاستی اہلیتی ٹیسٹ (ٹی ای ٹی) کے متعلق ہوئی بدعنوانی کا سنجیدگی سے نوٹس لیا ہے۔ حکومت نے کہا ہے کہ اگر ٹی ای ٹی امتحان میں کوئی بوگس سرٹیفکیٹ پایا جائے تو ان اساتذہ کو نوکری سے ہاتھ دھونا پڑے گا ۔ انکے ساتھ جو لوگ شامل ہوئے ہیں ان کے خلاف فوجداری مقدمات درج ہیں اور انہیں جیل جانا پڑے گا۔  

 محکمہ تعلیم میں اساتذہ اور اسکولوں کی شناخت ، انکریمنٹل پوسٹ کی منظوری، اساتذہ کے تبادلوں، ترقیوں، میڈیکل بلوں کے حوالے سے کرپشن پہلے ہی بے نقاب ہو چکا ہے۔ ریاستی امتحانی کونسل کے اس وقت کے کمشنر تکارام سوپے نے TET امتحان میں بدعنوانی کا ارتکاب کیا تھا۔ نااہل امیدواروں کو پاس کر کے کروڑوں روپے لینے کے کیس سامنے آئے۔

 اس کیس نے شعبہ تعلیم کو ہلا کر رکھ دیا ہے۔ امتحان کے آغاز کے بعد سے ہی پولیس نے محکمہ تعلیم پر دباؤ ڈالا ہے کہ وہ امتحان میں کامیاب ہونے والے امیدواروں کے اصل ٹی ای ٹی سرٹیفکیٹس کو چیک کریں۔ اس پس منظر میں، ریاستی حکومت نے 13 فروری 2013 کے بعد 5 سے 8 فروری تک گرانٹ یافتہ، جزوی طور پر گرانٹ پانے والے اور نان گرانٹ اسکولوں میں ملازمت کرنے والے اساتذہ کے اصل TET سرٹیفکیٹس کی تصدیق کرنے کا فیصلہ کیا ہے۔