پھر وہی دن لایا ہوں ، 10 سالوں بعد اعجاز بیگ کی کانگریس پارٹی میں واپسی ، ممبئی کانگریس بھون پر ریاستی صدر نانا پٹولے نے کیا استقبال
مالیگاوں: 25 جنوری ( بیباک نیوز اپڈیٹ )
مالیگاؤں شہر کانگریس پارٹی کی صدارت کو لیکر ابھی بھی غیر یقینی صورتحال قائم ہے ۔اس بیچ مشہور کہاوت 'پھر وہی دن لایا ہوں' کو دہراتے معروف کارپوریٹر اعجاز بیگ نے مہا گٹھ کو الوادع کرتے ہوئے مفتی اسماعیل کا ساتھ چھوڑ کر کانگریس پارٹی میں شمولیت اختیار کرلی ہے ۔موصوف نے 24 جنوری بروز پیر کو صبح ساڑھے دس بجے ریاستی کانگریس پارٹی کے صدر دفتر تلک بھون ممبئی میں مالیگاؤں شہر کی سرکردہ سیاسی سماجی شخصیات جن میں قابل ذکر جمیل کرانتی ، اقبال غازی ، جمیل سیٹھ پلاسٹک والے ، امتیاز زمین والے ، ہارون سیٹھ برف والے ، عرفان قریشی ، فاروق لالہ ، تنویر قریشی ، الطاف بیگ ودیگر کے ساتھ اعجاز عزیز بیگ نے کانگریس پارٹی میں شمولیت اختیار کرلی ۔
اس ضمن میں ملی تفصیلات کے بموجب شہر صدارت کے معاملات پھر التواء کا شکار ہو گیا ہے۔ اس موقع پر اعجاز بیگ سے استفسار کرنے پر مختصر میں انہوں نے کہا کہ اندرون ایک ہفتہ پارٹی ہائی کمان جائزہ میٹنگ لے کر صدارت کا اعلان کردے گی اس سے قبل ریاستی کانگریس پارٹی صدر نانا پٹولے نے مالیگاوں سے پہنچے وفد کا پھلوں کے نذرانہ سے والہانہ استقبال کیا ۔
خیال رہے کہ کانگریس پارٹی کے رکن بلدیہ کی حیثیت سے اعجاز بیگ نے کونسل میں آخری صدر بلدیہ کے فرائض بھی اپنے نام کرنے میں کامیاب رہے ۔موصوف میونسپل کارپوریشن کی پہلی باڈی 2002 سے 2012 تک کانگریس پارٹی کے کارپوریٹر رہے اور بلا آخر آپسی سیاسی نااتفاقی کے سبب گزشتہ 10 سال قبل کارپوریٹر اعجاز بیگ نے کانگریس پارٹی کو خیر باد کہہ کر مفتی اسماعیل کی قیادت میں الیکشن میں الیکشن لڑنے کا فیصلہ کیا لیا اور کامیابی حاصل کی ۔
اسکے بعد مفتی اسماعیل این سی پی میں شامل ہوئے اس وقت بھی اعجاز بیگ نے مفتی اسماعیل کی قیادت کو تسلیم کرتے ہوئے راشٹروادی کانگریس پارٹی کے نشان پر امیدواری کی اور آج بھی اعجاز بیگ راشٹروادی کے نشان پر کارپوریشن میں وارڈ نمبر 16 سے کارپوریٹر ہیں ۔انکے ساتھ انکی اہلیہ یاسمین بیگ بھی کارپوریٹر منتخب ہوئی ہیں ۔اب راشٹروادی کانگریس پارٹی کو بھی خیر باد کہہ کر تقریبا دس سالوں بعد اعجاز بیگ کی کانگریس پارٹی میں واپسی ہوئی ہے ۔
اشاعتیں
0 تبصرے
bebaakweekly.blogspot.com