انڈیا میں کورونا نے سابقہ سات ماہ کا ریکارڈ توڑا ، ایک دن میں 1 لاکھ 17 ہزار نئے مریضوں کا اندراج ،302 افراد لقمہ اجل بن گئے

انڈیا میں کورونا نے سابقہ سات ماہ کا ریکارڈ توڑا ، ایک دن میں 1 لاکھ 17 ہزار نئے مریضوں کا اندراج ،302 افراد لقمہ اجل بن گئے 

نئی دہلی : 7 جنوری (بیباک نیوز اپڈیٹ ) گزشتہ 24 گھنٹوں میں ملک میں کورونا کے 1,17,100 نئے کیس سامنے آئے ہیں۔ جمعرات کے مقابلے میں 28.8 فیصد زیادہ کیسز موصول ہوئے ہیں۔ بدھ کو ملک میں کورونا کے 90 ہزار سے زائد نئے کیسز سامنے آئے تھے ۔ 7 ماہ کے بعد ہندوستان میں 1 لاکھ سے زیادہ نئے کیس سامنے آئے ہیں۔ اس سے قبل 6 جون کو ایک لاکھ سے زائد کیس درج کیے گئے تھے۔

 ملک میں اب تک کورونا کے 3,52,26,386 کیسز سامنے آ چکے ہیں۔ ملک کی 5 سب سے زیادہ متاثرہ ریاستوں کی بات کریں تو، مہاراشٹر میں 36265 یومیہ کیسز ہیں،مغربی بنگال میں یومیہ 15421، دہلی میں 15097، تمل ناڈو میں 6983 اور کرناٹک میں 5031 معاملے روزانہ رپورٹ ہوئے ہیں۔ہندوستان میں کل کیسز میں سے 67.29 فیصد نئے کیس ان 5 ریاستوں سے آئے ہیں، جب کہ کل کیسز میں سے 30.97 فیصد مہاراشٹر سے آئے ہیں۔

 بھارت میں گزشتہ 24 گھنٹوں کے دوران 302 افراد ہلاک ہوئے ہیں۔ اب تک 4.83 لاکھ لوگ موت کے منہ میں جا چکے ہیں۔ کیرالہ میں گزشتہ 24 گھنٹوں میں سب سے زیادہ 221 اموات ہوئیں۔ اس کے علاوہ بنگال میں 9 لوگوں کی جانیں گئیں۔

 ہندوستان میں صحت یابی کی شرح 97.57 فیصد ہے۔ گزشتہ 24 گھنٹوں میں یہاں 30,836 مریض ٹھیک ہوئے ہیں۔ ملک میں اب تک 3,43,71,845 افراد کورونا سے صحت یاب ہو چکے ہیں۔ ہندوستان میں ایکٹو کیسز کی تعداد بڑھ کر 3.71 لاکھ ہو گئی ہے۔ گزشتہ 24 گھنٹوں میں 85,962 ایکٹیو کیسز شامل کیے گئے ہیں۔ اب تک ملک میں ویکسین کی 1,49,66,81,156 خوراکیں دی جا چکی ہیں۔ دریں اثنا، پچھلے 24 گھنٹوں میں 94,47,056 خوراکیں لی گئی ہیں۔

 ملک میں اب تک Omicron کے 3007 کیسز سامنے آ چکے ہیں۔ تاہم ان میں سے 1199 افراد صحت یاب ہو چکے ہیں۔ سب سے زیادہ کیس مہاراشٹر میں 877، دہلی میں 465، کرناٹک میں 333، راجستھان میں 291، کیرالہ میں 284 اور گجرات میں 204 ہیں۔ جبکہ تمل ناڈو میں 121، ہریانہ میں 114، تلنگانہ میں 107، اڈیشہ میں 60، اتر پردیش میں 31، آندھرا پردیش میں 28، بنگال میں 27، گوا میں 19، آسام میں 9، مدھیہ پردیش میں 9 اور 8 کیسز رپورٹ ہوئے۔