مہاراشٹر اسٹیٹ ایگزامینیشن کونسل کمشنر تکارام سوپے معطل ، ٹی ای ٹی امتحان میں بدعنوانی کا ساخشانہ، ٹھاکرے حکومت کی کارروائی سے ایجوکیشن فیلڈ میں سنسنی

مہاراشٹر اسٹیٹ ایگزامینیشن کونسل کمشنر تکارام سوپے معطل ، ٹی ای ٹی امتحان میں بدعنوانی کا ساخشانہ، ٹھاکرے حکومت کی کارروائی سے ایجوکیشن فیلڈ میں  سنسنی 

 

 ممبئی : 20 دسمبر (بیباک نیوز اپڈیٹ) ٹھاکرے حکومت نے مہاراشٹر اسٹیٹ ایگزامینیشن کونسل کے کمشنر تکارام سوپے کے خلاف سخت کارروائی کی ہے، جو فی الحال ٹیچر ایلیبلیٹی ٹیسٹ (ٹی ای ٹی امتحان) میں بدانتظامی کے الزام میں حراست میں ہیں۔تکارام سوپے کو محکمہ تعلیم نے ٹی ای ٹی امتحان میں بدانتظامی پر ٹھاکرے سرکار نے بڑی کارروائی کرتے ہوئے انہیں معطل کر دیا ہے۔ اور آج ان کی معطلی کا حکم جاری کیا گیا ہے۔ اسکولی تعلیم کی وزیر ورشا گائیکواڑ نے بتایا کہ تکارام سوپے کی معطلی ان کی گرفتاری کی تاریخ کے وقت سے عمل میں لائی گئی ہے ۔

 تفصیلات کے مطابق تکارام سوپے، کمشنر، مہاراشٹرا اسٹیٹ کونسل آف ایگزامینیشن، کو صدر دفتر پونہ میں ہی رہنا ہوگا اور حکومت کی پیشگی اجازت کے بغیر ہیڈ کوارٹر کو چھوڑا نہیں جا سکتا۔ معطل ہونے کے دوران، سوپے کو نجی نوکری قبول کرنے یا کاروبار کرنے کی اجازت نہیں ہوگی۔ حکم میں کہا گیا ہے کہ اگر وہ نجی ملازمت قبول کرتے ہیں یا معطلی کے دوران کاروبار کرتے ہیں، تو وہ بدانتظامی کے مرتکب پائے جائیں گے اور اس کے مطابق کارروائی کی جائے گی۔سال 2019-20 میں منعقدہ ٹیچر اہلیت ٹیسٹ (ٹی ای ٹی) میں بدانتظامی کے لیے سوپے کے خلاف ایک مجرمانہ مقدمہ درج کیا گیا ہے۔ اور انہیں 16 دسمبر کو گرفتار کیا گیا۔تکارام سوپے گرفتاری کے بعد سے 48 گھنٹے سے زیادہ مدت سے پولس کی حراست میں ہیں۔