مالیگاؤں: 16 دسمبر (پریس ریلیز) گزشتہ ماہ 12 نومبر کو ہوئے مالیگاﺅں تشدد معاملہ میں پولس نے پانچ الگ الگ ایف آئی آر درج کی ہے جو کہ ہمیں لگتا ہے کہ غیر قانونی ہے اور سپریم کورٹ کے رول کی خلاف ورزی ہے ۔اس لئے ہم نے پولس کی ایف آئی آر کو چیلنج کرنے کی غرض سے ممبئی میں ہائی کورٹ کے وکلاء سے مشورہ کیا اور انہیں مالیگاؤں پولس انتظامیہ کی جانب سے درج تمام پانچوں ایف آئی آر اور دیگر کاغذات پیش کئے ۔اسطرح کی تفصیل ممبئی سے راشٹروادی کانگریس پارٹی کے مقامی صدر آصف شیخ نے ایک پریس اعلامیہ کے ذریعے دی ہے ۔شیخ آصف نے بتایا کہ آج ہائی کورٹ میں ایڈوکیٹ آئی ایم کھیرڈی سے اس سلسلے میں تفصیلی گفتگو و صلاح و مشورہ کیا گیا اور انکے ساتھی وکیل کے ساتھ پینل بنا کر معاملہ کو ہائی کورٹ میں داخل کیا جائے گا ۔ایڈوکیٹ کھیرڈی نے شیخ آصف کو بتایا کہ آئندہ چند روز میں کرسمس کی تعطیل شروع ہوجائے گی جس کے سبب کورٹ کی سرگرمیاں معطل رہیں گی اس لئے کرسمَس کی تعطیلات کے بعد وکلاء کا پینل بناتے ہوئے پولس کی پانچ ایف آئی آر کو چیلنج کیا جائے گا ۔ہائی کورٹ میں وکلاء سے ملاقات کرنے گئے وفد میں شیخ آصف کے ہمراہ شکیل جانی بیگ ،عقیل انصاری ،رئیس عثمانی وغیرہ موجود تھے ۔
اشاعتیں
0 تبصرے
bebaakweekly.blogspot.com