خبر دار! سوشل میڈیا پر کڑی نظر ، ایڈیشنل ایس پی ،سائبر ڈپارٹمنٹ ، کرائم برانچ کی شہریان سے اپیل

خبر دار! سوشل میڈیا پر کڑی نظر ، ایڈیشنل ایس پی ،سائبر ڈپارٹمنٹ ، کرائم برانچ کی شہریان سے اپیل 

مالیگاؤں : 14 نومبر :مالیگاؤں ایڈیشنل ایس پی آفس سے جاری کی گئی پریس ریلیز کے مطابق عوام کو اطلاع دی گئی ہے کہ ملک کے کچھ حصوں اور مہاراشٹر میں پیش آنے والے افسوس ناک واقعہ کے پیش نظر مذہبی جذبات بھڑکانے والی کچھ قابل اعتراض پوسٹس ، آڈیو/ویڈیو اور جھوٹی خبریں پھیلانے والے پیغامات سوشل میڈیا پر وائرل ہو رہے ہیں ۔ ایسی پوسٹ آڈیو/ویڈیو فارورڈ نہ کریں ۔ سوشل میڈیا پر ایسی اشتعال انگیز پوسٹس موصول ہونے پر اسکی اطلاع دی جائے۔  سوشل میڈیا پر وائرل ہونے والے سوشل میڈیا مخالف ویڈیو پوسٹس، پیغامات پوسٹ کرنا قانون کے مطابق جرم ہے ۔  ایسی پوسٹ ویڈیوز پر نظر رکھنے کے لیے فیس بک، انسٹاگرام، ٹوئٹر وغیرہ کے تمام پبلک میڈیا کو مطلع کیا گیا ہے کہ سوشل میڈیا اور انٹرنیٹ پر پوسٹ کرتے وقت سماجی بیداری کے ساتھ انفارمیشن ٹیکنالوجی ایکٹ 2000 (آئی ٹی ایکٹ 2000) کی دفعات پر سختی سے عمل کیا جائے۔  واٹس ایپ صارفین گروپ کے تمام ممبران خصوصی ، گروپ ایڈمن کو اس بات کا خاص خیال رکھنا چاہئے کہ آپ کے گروپ میں ایسی پوسٹس یا ویڈیوز نشر نہ ہوں ۔ کسی بھی افواہ پر یقین نہ کریں ۔  سائبر ڈپارٹمنٹ ، کرائم برانچ اور ایڈیشنل سپرنٹنڈنٹ آف پولیس آفس مالیگاؤں نے تمام شہریوں سے اپیل کی ہے کہ وہ ایسی ویڈیوز یا پوسٹس نشر نہ کریں جو مذہبی جذبات کو بھڑکاتے ہوں اور جھوٹی خبریں پھیلاتے ہوں ۔ اس کے علاوہ ، اگر کوئی ایسی توہین آمیز ویڈیوز پوسٹ کرتا ہوا پایا جائے تو فوری طور پر قریبی پولیس اسٹیشن کو اسکی اطلاع دیں ۔  اس کے علاوہ، احتیاط کے طور پر مالیگاؤں شہر میں گروپ ایڈمن سے اپیل کی جا رہی ہے کہ وہ Only admins can send messages " 372ff سیٹ کریں ، تاکہ کوئی دوسرا شخص ایڈمن کے علاوہ گروپ میں پیغامات سینڈ نہ کر سکے ۔