دنیا کی سب سے چھوٹی گائے رکھنے حسن حولدار کا دعویٰ، گنیز بک آف ورلڈ ریکارڈ کو اطلاع، صرف 51 سینٹی میٹر اونچی بھوٹانی نسل کی گائے رانی کو دیکھنے دور دراز سے لوگوں کی آمد ‏

دنیا کی سب سے چھوٹی گائے رکھنے حسن حولدار کا دعویٰ، گنیز بک آف ورلڈ ریکارڈ کو اطلاع

صرف 51 سینٹی میٹر اونچی بھوٹانی نسل کی گائے رانی کو دیکھنے دور دراز سے لوگوں کی آمد 

 مالیگاؤں :9 جولائی(ایجنسی / بیباک نیوز اپڈیٹ ) بھوٹانی گائے رانی صرف 51 سینٹی میٹر اونچی ہے۔بنگلہ دیش کے ایک فارم میں  ایک پستہ قد گائے کو دیکھنے کے لیے لوگ جوق در جوق ملک میں دور دور سے آرہے ہیں۔سلیبرٹی کی حیثیت اختیار کر جانے والی رانی نامی گائے نے پوری دنیا میں شہرت حاصل کرلی ۔تفصیلات کے مطابق 23 ماہ کی بھوٹی یا بھوٹانی گائے کا قد صرف 51 سینٹی میٹر (20 انچ) ہے اور اس کا وزن 28 کلو گرام ہے۔ بنگلہ دیش میں نافذ کووڈ لاک ڈاؤن کے باوجود کہا جا رہا ہے کہ 15 ہزار سے زیادہ افراد رانی کو دیکھنے دارالحکومت ڈھاکہ کے قریب چاریگرم میں واقع اس فارم پر آر رہے ہیں۔ فارم منیجر حسن حوالدار نے گینز بُک آف ریکارڈز سے رابطہ کیا ہے۔ ان کے بقول وہ دنیا کی سب سے چھوٹی گائے کے مالک ہیں۔

رانی کو دیکھنے آنے والی رینا بیگم نے بنگلہ دیش کی خبر رساں ایجنسی بی بی سی کو بتایا کہ 'میں نے اپنی زندگی میں ایسا کبھی نہیں دیکھا۔'حسن حوالدار نے گذشتہ سال بنگلہ دیش کے شمال مغربی نوگاؤں ضلع کے ایک فارم سے رانی کو خریدا تھا۔ رانی مقامی سطح پر  مشہور بن گئی ہے۔اس کا کہنا ہے کہ اسے چلنے میں مشکلات کا سامنا ہے اور وہ فارم میں موجود کسی دوسری گائے سے خوفزدہ رہتی ہے۔ لہذا اسے باقی ریوڑ سے الگ رکھا گیا ہے۔ان کا کہنا تھا کہ 'یہ زیادہ نہیں کھاتی۔ دن میں دو بار کم مقدار میں چوکر اور گھاس کھاتی ہے۔رانی گائے باہر گھومنا پسند کرتی ہے اور جب ہم اسے اپنی بانہوں میں لیتے ہیں تو وہ خوش ہوجاتی ہے۔'

خیال رہے کہ اس وقت دنیا کی سب سے چھوٹی گائے کا اعزاز پڑوسی ملک انڈیا میں مانیکیم کے پاس ہے جس کا قد 61.1 سینٹی میٹر ہے۔ رانی دنیا کی سب سے چھوٹی گائے کے اعزاز کی دعویدار ہے۔حسن ہوالدار نے بی بی سی کو بتایا کہ گنیز بک آف ریکارڈز کے تفتیش کار رواں سال ان کے فارم پر آئیں گے تاکہ یہ دیکھیں کہ رانی اس تاج کی حقددار ہے یا نہیں۔

عید الاضحی کے اسلامی تہوار میں صرف چند ہفتے ہی باقی ہیں اور یہ قیاس آرائیاں جاری ہیں کہ آیا رانی کو قربانی کے لیے فروخت کیا جائے گا۔

لیکن فارم کے حکام نے بتایا کہ ان کا رانی سے الگ ہونے کا کوئی ارادہ نہیں ہے۔