کورونا کا خوفناک منظر ، گنگا ندی میں تیرتی ہوئی نظر آئیں پچاسوں لاشیں، مرنے کے بعد ندی میں پھینک دیئے کورونا متاثرین کے مردہ جسم، لوگوں میں ڈر و خوف کا ماحول، لاشوں کو ٹھکانے لگانے کا کام جاری ‏

کورونا کا خوفناک منظر ، گنگا ندی میں تیرتی ہوئی نظر آئیں پچاسوں لاشیں، مرنے کے بعد ندی میں پھینک دیئے کورونا متاثرین کے مردہ جسم  

 

لوگوں میں ڈر و خوف کا ماحول، لاشوں کو ٹھکانے لگانے کا کام جاری 

 پٹنہ: 10 مئی (بیباک نیوز اپڈیٹ) بہار کے ضلع بخسر ضلع میں آج صبح کئی لاشوں کو گنگا ندی میں تیرتے ہوئے دیکھا گیا۔  لاشیں سوجی ہوئی موٹی اور تقریبا بوسیدہ تھیں۔  یہ خوفناک نظارہ ملک میں کووڈ بحران کو ظاہر کررہا ہے ۔

 بہار اور اتر پردیش سے متصل چوسا شہر میں قریب ایک درجن کے قریب لاشیں گنگا کے کنارے پڑی تھیں۔

 جب لوگ صبح اٹھتے ہیں تو انہیں ایک بہت ہی خطرناک اور خوفناک منظر نظر آیا ۔  مقامی انتظامیہ کا خیال ہے کہ یہ نعشیں اتر پردیش سے ہیں اور ان کا تعلق کووڈ کے مریضوں سے ہے ۔ انتظامیہ کا اندازہ ہے کہ لواحقین کو ان لاشوں کو دفن کرنے یا جلانے کے لئے کوئی جگہ نہیں ملی ، لہذا انہوں نے انہیں گنگا میں پھینک دیا۔

 اہلکار نے کہا - 40-45 لاشیں پانی میں نظر آئیں

 افسر اشوک کمار نے ضلع چوسا کے مہادیو گھاٹ پر کہا کہ 40-45 کے قریب لاشیں پانی میں تیرتی ہوئی دیکھی گئیں۔  اشوک کمار کے مطابق ، ایسا لگتا ہے کہ یہ لاشیں ندی میں پھینک دی گئیں ہیں۔  ذرائع کا دعوی ہے کہ یہاں سو کے قریب لاشیں ہوسکتی ہیں۔  ایک اور افسر کے کے اپادھیائے کے مطابق ، ان سوجی ہوئی لاشوں کو دیکھ کر ایسا لگتا ہے کہ وہ شاید پانچ سے چھ دن تک پانی میں رہیں۔  ہمیں یہ دیکھنا ہے کہ وہ اترپردیش کے کون سے شہر سے ہیں۔

 لوگوں میں ہلچل مچ گئی

 لاشیں ملنے کے بعد شہر کے لوگوں میں ہلچل مچا گئی ہیں ۔  انہیں خدشہ ہے کہ ان لاشوں اور ندی نالوں کے پانی کی وجہ سے انفیکشن  پھیلے گا۔  گاؤں کے نریندر کمار کا کہنا ہے کہ لوگ انفیکشن سے خوفزدہ ہیں۔  ہمیں ان لاشوں کو دفن کرنا ہے۔  انہوں نے بتایا کہ ایک افسر آیا ہے ، اس نے کہا کہ ان لاشوں کی صفائی کے بعد دو ، پانچ سو روپے دیئے جائیں گے۔اس پورے معاملے میں یوپی سمیت اطراف کی ریاستیں جو گنگا ندی سے متصل ہیں میں ہلچل پیدا ہوگئی ہیں ۔