مفت نیٹ اور جے ای ای کا سنہری موقع ، 100 طلباء کو NEET اور JEE ایڈوانس امتحانات کیلئے دو سال کی مفت کوچنگ ، رہنا بھی فری،دسویں کامیاب طلباء توجہ دیں
امتحان 08 جون کو ، طلباء یکم جون تک اپنی درخواست ضلع پریشد کی ویب سائٹ پر جمع کریں: چیف ایگزیکٹیو آفیسر آشیما متل
ناسک : 18 مئی (بیباک نیوز اپڈیٹ/ پریس نوٹ) ضلع پریشد کے ذریعہ پچھلے سال نافذ کردہ سپر 50 پروگرام اس سال بھی نافذ کیا جارہا ہے اور اس کے لئے طلباء کو اپنی آن لائن داخلہ درخواستیں جمع کرنے کی آخری تاریخ یکم 1 جون 2025 کی رات 12 بجے تک کی مقرر کی گئی ہے۔ یہ امتحان 8 جون 2025 کو منعقد کیا جائے گا۔ ضلع پریشد کی چیف ایگزیکٹیو آفیسر آشیما متل نے ناسک ضلع کے دیہی علاقوں کے طلبہ سے اس میں زیادہ سے زیادہ حصہ لینے کی اپیل کی ہے۔اس پہل کے معیار کی بنیاد پر تعلیمی سال 2025-26 اور 2026-27 کے لیے کل 100 طلبہ کا (JEE اور NEET کے لیے) انتخاب کیا جائے گا۔
منتخب طلباء کو مفت، رہائشی NEET اور JEE ایڈوانس کوچنگ فراہم کی جائے گی۔ طلباء کو آن لائن گوگل فارم کے ذریعے انتخابی امتحان کے لیے رجسٹر/انرول کرنا ہوگا۔ 8 جون 2025 کو ہونے والے سلیکشن ٹیسٹ کے لیے JEE اور NEET دونوں کورسز کے لیے، فزکس، کیمسٹری، بیالوجی، ریاضی اور انگریزی میں حاصل کردہ نمبروں کی بنیاد پر میرٹ لسٹ تیار کی جائے گی۔ سب سے زیادہ نمبروں والے 300 طلباء دوسرے راؤنڈ میں دوبارہ ضلع پریشد ناسک میں امتحان دیں گے۔ حتمی انتخابی فہرست اس سے حاصل کردہ نمبروں کی بنیاد پر تیار کی جائے گی۔
طلباء کو ضلع پریشد کی سرکاری ویب سائٹ پر ان کے امتحانی نمبر فراہم کیے جائیں گے اور ہر تعلقہ کی سطح پر ایک امتحانی مرکز ہوگا۔ اس پہل کے قواعد و ضوابط کے مطابق، ضلع پریشد کی چیف ایگزیکٹیو آفیسر آشیما متل نے ضلع کے دیہی علاقوں کے سرکاری، امداد یافتہ اور جزوی طور پر امداد یافتہ اسکولوں سے مارچ 2025 میں دسویں جماعت پاس کرنے والے زیادہ سے زیادہ طلبہ سے اس اقدام میں حصہ لینے کی اپیل کی ہے۔
اگر آپ کو اس میں کوئی دقت ہو تو آپ تعلقہ کی پنچایت سمیتی میں محکمہ تعلیم کے گروپ ایجوکیشن آفیسر کے پاس جا کر گوگل لنک پر درخواست بھر سکتے ہیں۔
طلبہ ضلع پریشد ناسک کی ویب سائٹ پر جاکر یا نیچے دیے گئے QRCODE سے یا نیچے گوگل لنک سے درخواست فارم بھر سکتے ہیں۔
https://tinyurl.com/Super50Form
اشاعتیں
0 تبصرے
bebaakweekly.blogspot.com