گھروں گھر تلاشی مہم ، خصوصی اسکواڈ کی تشکیل ، بقرعید پر پولس کا ایکشن پلان تیار ایک کروڑ سے زائد مالیت کے جانور ضبط

گھروں گھر تلاشی مہم ، خصوصی اسکواڈ کی تشکیل ، بقرعید پر پولس کا ایکشن پلان تیار 

 ایک کروڑ سے زائد مالیت کے جانور ضبط، کئی جرائم پیشہ افراد پر شہر بدر (تڑی پار) کی کارروائی 

 گائے ذبیحہ قانون قانون کی خلاف ورزی کرنے والوں پر سخت کارروائی ہوگی، تیگبیر سنگھ سندھو اور سورج گنجال کی پریس بریفنگ 

مالیگاؤں : 16 مئی ( بیباک نیوز اپڈیٹ) پولس سپرنٹنڈنٹ، ناسک دیہی وکرم دیشمانے ،ایڈیشنل سپرنٹنڈنٹ آف پولس تیگبیر سنگھ سندھو کی رہنمائی اور سورج گنجال، ڈی وائے ایس پی مالیگاؤں کی سرپرستی میں گائے کی نسل کے جانوروں اور ذبیحہ ایکٹ پر سختی سے عمل در آمد کرنے کیلئے آنے والی بقری عید کے تہوار کے سلسلے میں، مالیگاؤں پولس انتظامیہ نے ایسے مجرموں کی ایک فہرست تیار کی ہے جن پر مالیگاؤں شہر اور کیمپ حدود میں 2015 سے گائے ذبیحہ ایکٹ کے تحت دو یا اس سے زیادہ جرائم درج ہیں،  اس میں کل 175 مجرموں پر گائے ذبیحہ ایکٹ کے تحت دو یا اس سے زیادہ جرائم درج ہیں۔ ان مجرموں کے خلاف موثر کارروائی کی جا رہی ہے تاکہ انہیں دوبارہ گائے ذبیحہ قانون کی خلاف ورزی کرنے سے روکا جا سکے۔ 

اسی سلسلے میں شہر بدری (تڑی پار) کی کارروائی کی گئی ہے اور گائے ذبیحہ قانون کی خلاف ورزی کرنے والے ملزمان میں 1) فاروق خان فیض اللہ خان، 2) سعید خان اقبال خان عرف سعید عطادی، 3) آصف خان دستگیر خان عرف آصف وائر مین، 4) شیخ الیاس شیخ جہانگیر قریشی شامل ہیں ۔ان کے خلاف شہر بدری کی تجاویز موصول ہوئی ہیں اور مزید کارروائی جاری ہے۔ ایس ڈی ایم مالیگاؤں کی طرف سے شہر بدری (تڑی پار) کی تجویز منظور ہوتے ہی ملزمان کو مالیگاؤں شہر کی حدود سے شہدے بدر کیا جائے گا۔ اس کے علاوہ گاؤ ذبیحہ قانون کی خلاف ورزی کرنے والوں کو شہر بدر کیا جارہا ہے ۔

اسی طرح یکم اپریل 2025 سے 14 مئی 2025 تک مویشیوں کی غیر قانونی نقل و حمل اور ذبیحہ کے لیے مالیگاؤں شہر میں لانے والوں کے خلاف ایک خصوصی آپریشن کیا گیا جس میں 1,06,45,800 روپے مالیت کے جانور و اشیاء ضبط کی گئیں۔اس کے علاوہ آوارہ اور لاوارث مویشیوں کی وجہ سے حادثات اور ٹریفک میں رکاوٹ کی شکایات میں اضافہ کے پیش نظر مالیگاؤں میونسپل کارپوریشن کے ساتھ مشترکہ کارروائی کرتے ہوئے کل 45 آوارہ اور لاوارث مویشیوں کو تحویل میں لیا گیا ہے اور انہیں چارہ، پانی اور ادویات کے لیے پانجرہ پل گئو شالہ میں لایا گیا ہے۔

اس طرح کی تفصیلات ایک پریس ریلیز کے ذریعے ایڈیشنل ایس پی تیگبیر سنگھ سندھو اور ڈی وائے ایس پی سورج بھاؤسار گنجال نے جاری کی، انہوں نے مزید کہا کہ کارروائی اسی طرح جاری رہے گی۔ آئندہ بقرعید کے سلسلے میں گائے ذبیحہ قانون کی خلاف ورزی کرنے والوں کے خلاف موثر کارروائی کرنے کے لیے مالیگاؤں شہر میں ایک دستہ تشکیل دیا گیا ہے جس میں 1 پولس افسر اور 4 پولس ملازمین شامل ہیں۔ اس بات کو یقینی بنانے کے لیے کہ گائے قانون کی خلاف ورزی نہ ہو، گھر گھر جا کر سروے کیا جائے گا اور پالے ہوئے مویشیوں سے متعلق ضروری دستاویزات بھی پوچھے جائیں گے۔ اگر اس بات کے شواہد ملتے ہیں کہ جو لوگ اس وقت مویشی پالتے ہیں اور مذکورہ مویشی بقرعید کے بعد نہیں ملتے ہیں اور ان کا ذبح مذکورہ مویشی رکھنے والے مالک نے کیا تو متعلقہ مالک کے خلاف کیٹل بریڈنگ ایکٹ کے تحت مقدمہ درج کیا جائے گا ۔اس طرح کی تفصیلات بھی پولس انتظامیہ نے دی ۔