بورڈ کا بڑا فیصلہ! سپروائزر کے تبادلے پر روک ، نقل نویسی کی صورت میں سینٹر کا پرمیشن منسوخ ہوگا

بورڈ کا بڑا فیصلہ! سپروائزر کے تبادلے پر روک ، نقل نویسی کی صورت میں سینٹر کا پرمیشن منسوخ ہوگا 

امتحان کو شفاف اور نقل سے پاک کرنے کیلئے کلکٹر،ایجوکیش آفیسر اور ڈسٹرکٹ ویجیلنس کمیٹی کی تشکیل ،سینٹر پر سیٹنگ اسکاؤٹ ٹیم کی تقرری 

پونہ : 31 جنوری (بیباک نیوز اپڈیٹ) سپروائزرس اور سینٹر ڈائریکٹرز کے تبادلے کا فیصلہ وزیر اعلیٰ کے 100 نکاتی پروگرام کے تحت کیا گیا تاکہ دسویں جماعت کے امتحانات بغیر نقل کے منعقد کیے جا سکیں۔ تاہم، مہاراشٹرا اسٹیٹ بورڈ آف سیکنڈری اینڈ ہائر سیکنڈری ایجوکیشن نے اساتذہ کی تنظیموں کے ساتھ ساتھ ٹیچر ایم ایل اے کی مخالفت کرنے پر اس فیصلے کو بدل دیا۔اب بورڈ نے ان مراکز کے سپروائزرز اور سینٹر ڈائریکٹرز کو تبدیل کرنے کا فیصلہ کیا ہے جہاں 2018، 2019، 2020 اور 2023 اور 2024 کے امتحانات کے دوران بدعنوانی کے کیسز پائے گئے تھے۔

 فی الحال بارہویں جماعت کے طلباء کا عملی اور زبانی امتحان جاری ہے۔  ان طلباء کا تحریری امتحان 11 فروری سے 18 مارچ تک لیا جائے گا۔  دوسری جانب دسویں جماعت کے طلباء کا پریکٹیکل امتحان 3 سے 20 فروری تک ہوگا اور ان کا تحریری امتحان 21 فروری سے 17 مارچ تک لیا جائے گا۔دریں اثنا، ریاست میں پونہ ، ناگپور، چھترپتی سنبھاجی نگر(اورنگ آباد) ، ممبئی، کولہاپور، امراوتی، ناسک اور لاتور اور کوکن کے ڈویژنل بورڈز کے تحت آنے والے مراکز پر، کورونا کے دو سال 2021 اور 2022 کو چھوڑ کر، جن مراکز میں نقل کے کیسز سامنے آئے تھے ان سینٹر پر سے اب نئے سپروائزر اور سینٹر ڈائریکٹر کا تقرر کیا جائے گا۔

 بورڈ کے فیصلے کے مطابق اب کارروائی

 امتحانی مراکز کے لیے اب سینٹر کے ڈائریکٹرز اور سپروائزرز کے تبادلے کا منصوبہ ہے۔مہاراشٹر اسٹیٹ بورڈ آف سیکنڈری اینڈ ہائر سیکنڈری ایجوکیشن نے اس سلسلے میں فیصلہ لیا ہے۔اس فیصلے کے مطابق کارروائی کی جائے گی۔

 - اودمبر یوکردے، ڈویژنل سکریٹری، پونہ بورڈ

 

 بورڈ کے نئے فیصلے کے مطابق

 دوسرے اسکولوں کے سینٹر ڈائریکٹرز اور سپروائزرز کو ان مراکز پر تعینات کیا جائے گا جہاں 2018، 2019، 2020 اور 2023 اور 2024 کے امتحانات کے دوران غلطیاں پائی گئیں۔

 جن امتحانی مراکز میں بدعنوانی کے کیسز پائے جائیں گے ان کی مستقل طور پر(پرمیشن) شناخت ختم کر دی جائے گی۔

کلکٹر اور ڈسٹرکٹ ویجیلنس کمیٹی کے چیئرمین اپنے ضلع میں امتحان کو شفاف اور نقل سے پاک بنانے کے لیے بھاری ٹیموں کو منظم کریں گے۔

 سیکنڈری ایجوکیشن آفیسر ضلع کلکٹر کے ساتھ مل کر اس بات کو یقینی بنائیں کہ امتحان کی مدت کے دوران ہر امتحانی مرکز پر(سیٹنگ اسکاؤٹ ٹیم) کل وقتی بیٹھنے والی ٹیمیں کام کر رہی ہیں۔