ساپو تارا میں خوفناک حادثہ، بس 200 فٹ گہری کھائی میں جاگری، 7 کی موقع پر ہی موت، 15 شدید زخمی

ساپو تارا میں خوفناک حادثہ، بس 200 فٹ گہری کھائی میں جاگری، 7 کی موقع پر ہی موت، 15 شدید زخمی

ناسک : 2 فروری (بیباک نیوز اپڈیٹ) سورت ہائی وے پر ساپوتارا گھاٹ پر ایک پرائیویٹ لگژری بس خوفناک حادثہ کا شکار ہو گئی۔ اس حادثے میں 7 افراد کی موقع پر ہی موت ہو گئی، جب کہ 15 لوگوں کی حالت انتہائی تشویشناک ہے۔ زخمیوں کو قریبی اسپتال میں داخل کرایا گیا ہے۔بتایا گیا ہے کہ حادثہ صبح ساڑھے پانچ بجے پیش آیا۔ 

تفصیلات کے مطابق ناسک سورت ہائی وے پر ساپوتارا گھاٹ پر ایک پرائیویٹ لگژری بس کو خوفناک حادثہ پیش آیا۔ حادثہ اس وقت پیش آیا جب ایک نجی بس 200 فٹ گہری کھائی میں گر گئی۔  ابتدائی اطلاعات کے مطابق اس حادثے میں 7 افراد کی موقع پر ہی موت ہو گئی اور 15 افراد کی حالت تشویشناک ہے۔ حادثہ آج صبح 5:30 بجے کے درمیان پیش آیا۔ اس خوفناک حادثے میں بس مکمل طور پر تباہ ہو گئی۔ حادثہ ڈرائیور کے بس پر سے کنٹرول کھونے سے ہوا۔ یہ حادثہ درشن کے لیے ناسک سے گجرات جاتے ہوئے پیش آیا۔بتایا جا رہا ہے کہ حادثے میں ہلاک اور زخمی ہونے والے تمام افراد کا تعلق مدھیہ پردیش سے ہے۔