اب "تجارتی جہاد" کیخلاف سخت کاروائی کا اسمبلی میں مطالبہ

اب "تجارتی جہاد" کیخلاف سخت کاروائی کا اسمبلی میں مطالبہ

 لو جہاد، لینڈ جہاد، ووٹ جہاد کے بعد اب کاروبار کو بھی جہاد سے جوڑ کر نفرت انگیز سیاست کا مظاہرہ 

 ناگپور: 19 دسمبر (بیباک نیوز اپڈیٹ) پنویل میونسپل کارپوریشن کی حدود میں بھرنے والے ہفتہ واری بازاروں اور ٹھیلہ گاڑیوں کی شکل میں ایک 'نئے غیر مجاز تجارتی جہاد' کو چلایا جارہا ہے۔اس طرح کی تفصیلات ایم ایل اے پرشانت ٹھاکر نے ناگپور میں جاری اسمبلی کے سرمائی اجلاس میں کیا ۔انہوں نے الزام لگاتے ہوئے اسے اب کاروباری جہاد کہہ کر سخت کارروائی کا مطالبہ کردیا ہے۔

 ٹھاکر نے اپنے جواز میں کہا کہ پنویل میونسپل کارپوریشن کی حدود میں پنویل اسمبلی حلقہ میں ہفتہ وار بازار بڑے پیمانے پر چل رہا ہے۔ یہ بازار بغیر کسی قانونی اجازت کے غیر قانونی اور دھونس کے ساتھ چلائے جاتے ہیں اور انتظامیہ جان بوجھ کر نظر انداز کیا جا رہا ہے۔ اس کے ساتھ ہی بڑی تعداد میں ٹھیلہ گاڑیاں بھی لگائی جارہی ہیں اور ان ہاتھ گاڑیوں نے شہر کی اہم سڑکوں پر بھی اتی کرمن کر لیا ہے۔ اس لیے مقامی شہری اور سرکاری پیشہ ور افراد ٹریفک کی شکایت کر رہے ہیں۔

 تاہم میونسپل کارپوریشن کے ذریعے باقاعدہ طور پر کارروائی کی جاتی ہے۔ لیکن ان ہاتھ گاڑیوں پر غیر قانونی کاروبار بھی چلائے جاتے ہیں۔جس کی وجہ سے ٹریفک جام ہوتا ہے۔ ایسی شکایات بھی بڑھ رہی ہیں۔ ساتھ ہی انہوں نے حکومت کی توجہ اس جانب مبذول کرائی کہ بنگلہ دیشیوں کی بڑی تعداد ہفتہ وار بازار میں ہاتھ گاڑیوں کے ذریعے کاروبار کر رہی ہے۔ ان کا مزید کہنا تھا کہ بنگلہ دیش میں ہندوؤں پر ظلم ہو رہا ہے۔اور اس کے ساتھ ساتھ ان کاروباری لوگوں کے ساتھ بھی ناانصافی کی جا رہی ہے جو قانون کے مطابق پرمٹ لے کر کاروبار کر رہے ہیں، ٹیکس ادا کر رہے ہیں، مالیاتی سرمایہ کاری کر رہے ہیں اور قرضے لے رہے ہیں۔ اس سے ان پیشہ ور افراد کے لیے کاروبار کرنا مشکل ہو گیا ہے۔ مجموعی طور پر، غیر قانونی ہفتہ وار بازار اور ٹھیلہ گاڑیوں نے ایک نئے غیر قانونی تجارتی جہاد کو جنم دیا ہے۔ ایم ایل اے پرشانت ٹھاکر نے قانون ساز اسمبلی میں مطالبہ کیا کہ ان کے خلاف قانون لایا جائے اور اس کے مطابق حکومت میونسپل کارپوریشن کو فوری کارروائی کرنے کا حکم دے۔