ایک ہی خاندان کے 5 ایم پی لوک سبھا میں ہوں گے

ایک ہی خاندان کے 5 ایم پی لوک سبھا میں ہوں گے

لکھنؤ : 5 جون (بیباک نیوز اپڈیٹ) سب کی نظریں لوک سبھا انتخابات میں اتر پردیش کے نتائج پر تھیں۔ لوک سبھا چناؤ کے موجودہ نتائج اور رجحانات پر نظر ڈالیں تو بی جے پی کی سیٹوں کو نقصان پہنچا کر سماج وادی پارٹی نے کافی سیٹیں حاصل کی ہیں۔ 2019 کے مقابلے یہاں بی جے پی کو زیادہ نقصان ہوا ہے۔ سماج وادی پارٹی نے 37سیٹیں جیتی ہیں۔  

یادو خاندان کے پانچ افراد اس مرتبہ لوک سبھا میں نمائندگی کرینگے۔تفصیلات کے مطابق ڈمپل یادو نے سماج وادی پارٹی کی جانب سے مین پوری سے جیت حاصل کی ہے۔ وہ آنجہانی ملائم سنگھ (نیتا جی) کی بہو اور ایس پی صدر اکھلیش یادو کی بیوی ہیں۔انہوں نے بی جے پی کے جیویر سنگھ کو 2,21,639 ووٹوں سے شکست دی۔جبکہ اکشے یادو نے فیروز آباد سے کامیابی حاصل کی۔

  

 آنجہانی ملائم سنگھ (لیڈر) کے خاندان کے 5 افراد ایس پی پارٹی سے پارلیمنٹ میں آ پہنچے ہیں۔ مین پوری سے ڈمپل یادو کی جیت کے بعد لوگوں کی نظریں فیروز آباد سے رام گوپال یادو کے بیٹے ایس پی امیدوار اکشے یادو پر ہیں جنہوں نے 89,312 ووٹوں سے کامیابی حاصل کی۔ اس کے ساتھ بداون سے شیو پال سنگھ یادو کے بیٹے آدتیہ یادو ہیں۔ اس کے علاوہ یوپی کے سابق وزیر اعلیٰ اور ایس پی سپریمو آنجہانی ملائم سنگھ یادو (نیتا جی) کے بیٹے اکھلیش یادو قنوج حلقہ سے کامیاب ہیں۔

 

 دریں اثنا، ابھے رام یادو کے بیٹے اور آنجہانی ملائم سنگھ کے بھتیجے دھرمیندر یادو نے اعظم گڑھ حلقہ سے بی جے پی امیدوار اور بھوجپوری فنکار دنیش لال یادو نرہوا کو شکست دی ہے۔ دھرمیندر یادو کو 1,61,035 ووٹوں کے فرق سے جیت ملی ہے۔ ایسے میں سماج وادی پارٹی کے ایک ہی خاندان کے 5-5 ایم پی لوک سبھا میں ہوں گے۔

ترقی پسند قدروں کا ترجمان اور عوام کا بیباک نقیب ہفت روزہ بیباک پر خبروں اور اشتہارات کیلئے رابطہ 9226735377 7972614646 کریں ۔