رفیق خان قتل معاملہ میں مشتبہ ملزم رفیق شاہ گرفتار ، مزید ملزمین کی تلاش جاری

رفیق خان قتل معاملہ میں مشتبہ ملزم رفیق شاہ گرفتار ، مزید ملزمین کی تلاش جاری 

مالیگاؤں : 16 اپریل (بیباک نیوز اپڈیٹ) گزشتہ کل 15 اپریل 2024 کی رات 10 بجے کے درمیان سنگمیشور سانڈوا پل کے سامنے مولانا اسحاق گیٹ کے پاس قتل کی واردات پیش آئی جس میں کچھ افراد کے ذریعے رفیق خان انور خان نامی نوجوان کو بے دردی سے قتل کرنے کا واقع پیش آیا ، قتل کی اس واردات نے آنا فانا شہر بھر میں سنسنی خیز ماحول پیدا کر دیا ، واردات کی خبر ملتے ہی شہر ایڈیشنل ایس پی انیکیت بھارتی نے موقع پر حاضری لگاتے ہوئے کرائم اسپاٹ کا جائزہ لیا ، وہیں موقع پر موجود علاقے کے ذمہ دارارن نے علاقے میں پنپ رہے جرائم اور بڑھتی نشہ آور اشیاء پر قد غن لگانے کے لئے انتظامیہ سے کومبنگ آپریشن کئے جانے کی مانگ کی ہے۔

دوسری جانب اس قتل کے فرار ملزمان کو گرفتار کرنے کے لئے پولیس نے سرچ آپریشن جاری کردیا ہے ، وہیں اس دوران خفیہ خبر موصول ہوئی کے قتل میں شامل ایک ملزم رفیق شاہ آمین شاہ عرف لمبو منماڑ ریلوے اسٹیشن کی جانب جارہا ہے۔ ذرائع سے خبر ملتے ہی ضلع ایس پی وکرم دیشمانے ، شہر ایڈیشنل ایس پی انیکیت بھارتی ، ڈی واۓ ایس پی تیغبیر سنگھ سندھو ، ڈی وائے ایس پی سورج گنجال کی رہنمائی میں لوکل کرائم برانچ کے پی آئے راجو سُروے ، پی آئے سندیپ پاٹل و انکی ٹیم نے جال بچھا کر واردات کے 2 گھنٹے میں ہی ملزم رفیق شاہ کو گرفتار کرنے میں کامیابی حاصل کی ۔قتل معاملے مزید گرفتاریاں ہونے کا امکان ہے ، وہیں اس معاملے میں چھاؤنی پولس نے گناہ رجسٹر نمبر 117/024 دفعہ 302 ، 504 ، 506 اور 34 کے تحت مقدمہ درج کیا ہے ، دیگر تحقیقات پولس کررہی ہے ۔