رمضان المبارک میں مساجد کے اطراف میں کچروں کا ڈھیر، پورے شہر میں گندگی اور مچھروں کی بہتات

رمضان المبارک میں مساجد کے اطراف میں کچروں کا ڈھیر، پورے شہر میں گندگی اور مچھروں کی بہتات 

کارپوریشن کو نیند سے بیدار کرنے آصف شیخ کا انوکھا احتجاج، کمشنر پر شدید تنقید 

مالیگاؤں (پریس ریلیز) شہر بھر میں گندگی کا انبار لگا ہوا ہے، رمضان المبارک میں مساجد کے اطراف میں بھی صفائی نہیں کی جارہی ہیں اور بار بار توجہ دلانے کے بعد بھی کارپوریشن خواب خرگوش میں مبتلا ہیں ۔کارپوریشن کو نیند سے بیدار کرنے کیلئے آصف شیخ نے آج انوکھا احتجاج کرتے ہوئے کارپوریشن کمشنر آفس کے باہر کمشنر کے دالان میں بیٹھ کر منہ پر ماسک لگایا اور شہر بھر کے مختلف علاقوں میں لگے کچروں کے ڈھیر کی فوٹو کاپی ثبوت کے ساتھ لیکر خاموش احتجاج درج کیا ۔

اس موقع پر آصف شیخ نے کہا کہ ہمیں پتہ ہے کہ لوک سبھا چناؤ کا ضابطہ اخلاق لگا ہوا ہے ۔لیکن مسلمانوں کے مقدس رمضان المبارک کا آج نواں روزہ شروع ہے ۔پورے شہر میں گندگی کا انبار لگا ہوا ہے ۔گھروں میں مساجد میں مچھروں کی بہتات ہے ۔کارپوریشن صفائی کرنے سے منہ چرا رہی ہیں اور شہر کے کمشنر ضابطہ اخلاق کا سہارا لیکر سیاسی لیڈران کو احتجاج کرنے سے منع کررہے ہیں ۔آصف شیخ نے کہا کہ آج سے دو روز قبل ضابطہ اخلاق کا نفاذ ہوا لیکن ہم نے رمضان سے پہلے ہی صفائی کا مطالبہ کیا اور درمیان میں بھی دوبارہ مطالبہ کیا تھا کہ مساجد کے اطراف اور گلی محلوں میں صفائی کی جائے مچھروں کے خاتمہ کیلئے دواؤں کا چھڑکاؤ کیا جائے لیکن کارپوریشن کمشنر نے ایسا کوئی کام نہیں کیا ۔آصف شیخ نے شہر کے مختلف علاقوں میں جمع کچروں کے ڈھیر کی تصویر کیساتھ کمشنر کے خلاف خاموش احتجاج درج کرواتے ہوئے مطالبہ کیا ہے کہ ہمارا مقدس رمضان المبارک شروع ہے ۔لہٰذا پورے شہر میں صفائی کی جائے ۔آصف شیخ نے کہا کہ ہمیں ایسا لگتا ہے کہ کمشنر نے سوچ لیا ہے کہ وہ صرف دو لوگوں کی سنیں گے ایک ایم ایل اے اور ایک وزیر ۔انہوں نے کہا کہ ہمیں یہ بھی خدشہ ہے کہ کہیں کمشنر الیکشن کے دوران بھارتیہ جنتا پارٹی اور شیو سینا شندے گروپ کے پرچار کیلئے جلسے میں تقریر نہ کرنے لگ جائیں ۔آصف شیخ نے مطالبہ کیا ہے کہ جلد از جلد مسلم علاقوں میں صفائی کو یقینی بنایا جائے ورنہ آج ہم نے کچھ علاقوں کے کچروں کی تصویر یہاں پیش کر احتجاج کیا کل دوسرے علاقوں کی گندگی کی تصویروں کیساتھ دوبارہ خاموش احتجاج کرینگے۔ اس موقع پر انہوں نے ہاتھ جوڑ کر کارپوریشن کمشنر سے صاف صفائی کرنے کا مطالبہ کیا ۔یہاں آصف شیخ رشید کیساتھ شفیق شیخ بسم اللہ اور دانش شیخ وغیرہ موجود تھے ۔