ضابطہ اخلاق کے دوران 16 اور 28 کروڑ روپے کے ٹینڈر کیوں کال کئے گئے؟ ، کمشنر کی نیت پر شبہ

ضابطہ اخلاق کے دوران 16 اور 28 کروڑ روپے کے ٹینڈر کیوں کال کئے گئے؟ ، کمشنر کی نیت پر شبہ 

کارپوریشن میں کروڑوں روپے کے بھنگار گھوٹالہ کا انکشاف، سازش بے نقاب، آصف شیخ کا ہنگامی دورہ

کارپوریشن 23 گاڑیوی کی نیلامی کیمروں کے سامنے کریں، شہر کے تمام بھنگار والوں کو نیلامی میں حصہ لینے کا موقع فراہم کریں 

مالیگاؤں : (نامہ نگار) مالیگاؤں میونسپل کارپوریشن نے مراٹھی روزنامہ میں اشتہار شائع کروایا جس کے مطابق کارپوریشن کی 23 گاڑیوی کی نیلامی کی جائے گی ۔یہ اشتہار جان بوجھ کر مخصوص ٹھیکہ داروں کیلئے مراٹھی زبان کے ریاستی سطح کے اخبار میں شائع کی گئی ہے تاکہ شہر کے عام ٹھیکہ داروں یا بھنگار کے کاروبار سے منسلک افراد کو اس میں شامل نہ کیا جاسکے ۔اور اس اشتہار کی آڑ میں کارپوریشن محکمہ گیریج کی تمام بھنگار ہوئی گاڑیوں و سازوسامان کو فروخت کرنے کی سازش کررہا ہے اور اس سازش کا پردہ آج آصف شیخ رشید نے فاش کرتے ہوئے مطالبہ کیا ہے کہ یہ نیلامی جو اشتہار کے مطابق 26 مارچ کو ہونا ہے کو فوری طور پر رد کی جائے اور از سر نو اس نیلامی کو دوبارہ تاریخ دیکر عوامی سطح پر کیا جائے ۔آصف شیخ نے اس سلسلے میں آج مالدہ شیوار میں واقع کارپوریشن کے ڈمپلنگ گراؤنڈ سے متصل محکمہ گیریج کے بھنگار گوڈاؤن کا دورہ کیا ۔

 یہاں انہوں نے میڈیا سے گفتگو کرتے ہوئے کارپوریشن کمشنر سے کی نیت پر سوالیہ نشان لگاتے ہوئے کہا کہ ہمیں شبہ ہے کہ اس بھنگار کی نیلامی کی آڑ میں کارپوریشن کروڑوں روپے کے بھنگار کو بھی فروخت کر گھوٹالہ کی سازش کررہی ہیں ۔آصف شیخ نے کمشنر سے مطالبہ کیا ہے کہ اس نیلامی کو رد کیا جائے اور اس کے لئے دوبارہ تاریخ دی جائے جس میں شہر کے عام بھنگار کے کاروبار سے منسلک افراد کو بھی حصہ لینے کا موقع مل سکے ۔آصف شیخ نے مزید کہا کہ کارپوریشن کیا الیکشن کمیشن آف انڈیا سے بڑی ہوگئی ہے؟ کیوں ضابطہ اخلاق نافذ ہوجانے کے بعد بھی کروڑوں روپے کے ٹینڈر کال کئے جارہے ہیں ؟آصف شیخ نے تفصیل پیش کرتے ہوئے بتایا کہ پہلے 16 کروڑ روپے کا ٹینڈر جاری کیا گیا اور پھر 28! کروڑ روپے کا ٹینڈر شائع کیا گیا اور اب بھنگار کیلئے نیلامی کا ٹینڈر جاری کیا گیا ہے ۔کارپوریشن شہر کے بنیادی مسائل کو چھوڑ کر روپے پیسے والے کاموں پر توجہ دے کر کروڑوں روپے کی بندر بانٹ کرنے کی سازش کررہی ہیں ۔شہر میں مسائل کا انبار لگا ہوا ہے ۔گندگی اور مچھروں پر قابو پانے کیلئے کوئی منصوبہ بندی نہیں کی جارہی ہیں ۔صرف سیاسی سرپرستی کی آڑ میں کارپوریشن کے خزانے کو لوٹنے کی سازش ہورہی ہیں ۔انہوں نے کہا کہ آج ہم نے کارپوریشن کے ڈمپنگ گراؤنڈ پر جا کر حاضری لگائی تو دیکھا کہ 23 گاڑیوی کے علاوہ بھی لاکھوں کروڑوں روپے مالیت کے ساز و سامان بھنگار میں دھول کھا رہے ہیں اور اسے بھی ان 23 گاڑیوی کی آڑ میں نیلامی کی تیاری ہورہی ہیں جس پر ہم نے آواز بلند کی اور بدعنوانی کو روکنے کا مطالبہ کیا ہے ۔آصف شیخ نے کہا کہ پہلے ہی کارپوریشن کمشنر و سیاسی بازی گروں نے کارپوریشن کا خزانہ خالی کردیا ہے اور اب بچا کچھا بھنگار بھی ہڑپنے کی سازش کی جارہی ہیں اس بدعنوانی پر فوری طور پر روک لگائی جائے اور کارپوریشن شہر کے بھنگار کے کاروبار کرنے والوں کو نیلامی میں حصّہ لینے کا موقع فراہم کرے ۔تاکہ کارپوریشن کی آمدنی میں اضافہ ہو اور بدعنوانی پر لگام لگائی جا سکے ۔