چنکا پور ڈیم کی سات کھڑکیاں کھولی گئی، گرنا ندی میں سیلابی کیفیت، کارپوریشن کا الرٹ، ندی کنارے آباد مکینوں کو باخبر رہنے کی ہدایت

چنکا پور ڈیم کی سات کھڑکیاں کھولی گئی، گرنا ندی میں سیلابی کیفیت، کارپوریشن کا الرٹ، ندی کنارے آباد مکینوں کو باخبر رہنے کی ہدایت 

ڈیم کے اطراف موسلا دھار بارش جاری ، موسم ندی میں بھی ہزاروں کیوسیس پانی چھوڑا گیا

مالیگاؤں : 8 ستمبر (بیباک نیوز اپڈیٹ) مالیگاؤں تعلقہ میں بھی بارش نے زبردست واپسی کی ہے۔ جس کی وجہ سے تعلقہ کی ندیوں اور نہروں میں طغیانی آگئی ہے۔ گرنا ندی میں طغیانی کی وجہ سے اس ندی پر کئی چھوٹے بڑے پل پانی کی زد میں آ گئے ہیں۔ اس سیلابی پانی کو دیکھنے کے لیے شہری بڑی تعداد میں جمع ہو رہے ہیں۔

  تفصیلات کے مطابق چنکاپور ڈیم سے پانی کے اخراج میں اضافہ کر دیا گیا ہے۔ ڈیم کے 7 دروازوں سے 43 ہزار کیوسک پانی چھوڑا جا رہا ہے۔ جس کی وجہ سے گرنا ندی میں پانی کی سطح بڑھ گئی۔  گرنا ندی پر چھوٹے پل پانی میں ڈوب گئے ہیں۔  چنکاپور ڈیم کے نیچے اتھمبے پل کو ٹریفک کے لیے بند کر دیا گیا ہے۔  اس لیے کلوان، ونی جانے والی ٹریفک کو دوسرے راستے سے موڑ دیا گیا ہے۔ بارش جاری رہی تو پانی کے اخراج میں اضافہ ہو جائے گا۔  ویسے محکمہ آبپاشی نے کہا ہے۔ ندی کے کنارے کے رہائشیوں کو چوکسی کے احکامات دیے گئے ہیں۔

 تفصیلات کے مطابق گرنا ندی میں پانی چنکاپور ڈیم سے 23328 کیوسیس پانی اور پوند ڈیم سے 8828 کیوسیس پانی چھوڑا گیا ہے ۔اسی طرح موسم ندی میں ہرن باڑی ڈیم سے 1643 کیوسیس اور موسم ندی پر تعمیر کیلجر ڈیم سے 388 کیوسیس پانی چھوڑا گیا ہے ۔اس طرح گرنا ندی میں کل 43000 کیوسیس پانی چھوڑا گیا ہے اور موسم ندی میں 5000 کیوسیس پانی چھوڑا گیا ہے ۔اسطرح کی اطلاع مالیگاؤں کارپوریشن ایری گیشن ڈپارٹمنٹ کی جانب سے عوام کی معلومات کیلئے جاری کی گئی ہے ۔دونوں ندیوں میں پانی تیز رفتار بہاؤ سے بہی رہا ہے اور یہ پانی رات تکلیف مالیگاؤں شہر کی موسم و گرنا ندی میں ائےگا ۔مالیگاؤں کارپوریشن نے عوام سے اپیل کی ہے کہ گرنا ندی کے اطراف آباد مکینوں کو محفوظ مقامات پر منتقل ہونا چاہئے اور ندی کے تیز رفتار بہاؤ کے خطرے سے ہوشیار رہنا ہوگا ۔کارپوریشن نے عوام کیلئے الرٹ جاری کیا ہے۔ندی کنارے آباد ساکنان کورونا اعلانات کے ذریعے باخبر کیا جارہا ہے ۔