کرناٹک اسمبلی انتخابات کا اعلان ، 10 مئی کو ووٹنگ ، 13 مئی کو نتائج بی جے پی، کانگریس اور جنتادل سیکولر کے درمیان مقابلہ

کرناٹک اسمبلی انتخابات کا اعلان ، 10 مئی کو ووٹنگ ، 13 مئی کو نتائج 

بی جے پی، کانگریس اور جنتادل سیکولر کے درمیان مقابلہ 

بنگلورو : 29 مارچ (بیباک نیوز اپڈیٹ) کرناٹک انتخابات کا بگل بج گیا ہے۔ اسمبلی انتخابات 10 مئی کو ہوں گے۔ نتائج کا اعلان 13 مئی کو ووٹوں کی گنتی کے بعد کیا جائے گا۔ چیف الیکشن کمشنر راجیو کمار نے آج ایک پریس کانفرنس میں یہ جانکاری دی ۔ ووٹنگ ایک ہی مرحلے میں ہوگی۔ کرناٹک میں 5.21 کروڑ ووٹر ہیں۔ جو 224 اسمبلی سیٹوں پر ووٹ ڈالنے جا رہے ہیں۔ 9.17 لاکھ ووٹر پہلی بار ووٹ ڈالیں گے۔

الیکشن کمشنر راجیو کمار نے کہا کہ یکم اپریل کو 18 سال کی عمر مکمل کرنے والے بھی ووٹ ڈال سکیں گے۔ دریں اثناء کرناٹک میں اس بار بھی اہم مقابلہ بی جے پی، کانگریس اور جے ڈی ایس کے درمیان ہوگا۔ پچھلی بار جے ڈی ایس-کانگریس ساتھ تھے۔ تاہم جے ڈی ایس اس سال ہونے والے انتخابات میں آزادانہ طور پر لڑنے جا رہی ہے۔

کرناٹک میں موجودہ بی جے پی حکومت کی میعاد 24 مئی کو ختم ہوگی۔ یدی یورپا 2018 کے اسمبلی انتخابات میں 17 مئی 2018 کو وزیر اعلیٰ بنے تھے۔ 23 مئی 2018 کو انہوں نے محض چھ دن بعد استعفیٰ دے دیا۔ اس کے بعد بسواراج بومائی وزیر اعلیٰ بنے۔

5 سالوں میں 3 وزیراعلیٰ، پہلے جے ڈی ایس کانگریس، پھر بی جے پی کی حکومت

کرناٹک میں اسمبلی کی 224 سیٹیں ہیں۔ 2018 کے اسمبلی انتخابات میں بی جے پی نے 104، کانگریس کو 78 اور جے ڈی ایس نے 37 سیٹیں حاصل کیں۔ کسی جماعت کو واضح اکثریت نہیں ملی۔ یدی یورپا نے 17 مئی کو چیف منسٹر کے طور پر حلف لیا اور ایوان میں اکثریت ثابت کرنے میں ناکام رہنے کے بعد 23 مئی کو استعفیٰ دے دیا۔ اس کے بعد کانگریس جے ڈی ایس مخلوط حکومت بنی۔

14 ماہ بعد کرناٹک کی سیاست میں ایک اور موڑ آگیا۔ کمارسوامی کو کانگریس اور جے ڈی ایس کے کچھ ممبران اسمبلی کی بغاوت کے بعد کرسی چھوڑنی پڑی۔ یدی یورپا نے ان باغیوں کو بی جے پی میں ضم کر دیا۔ 26 جولائی 2019 کو، بی ایس یدیورپا 219 ایم ایل ایز کی حمایت سے وزیر اعلیٰ بنے۔ لیکن انہوں نے 2 سال بعد استعفیٰ دے دیا اور اسکے بعد بسواراج بومائی وزیر اعلیٰ بن گئے۔