بورڈ امتحانات میں سپروائزرس کی تقرری سینٹرل ڈائریکٹر کے ذریعہ ، سینٹرس کو ہدایات جاری اسکول وائز اساتذہ کی فہرست طلب ، ایک سینٹر کے ٹیچر دوسرے سینٹر پر سپرویزن کریں گے

بورڈ امتحانات میں سپروائزرس کی تقرری سینٹرل ڈائریکٹر کے ذریعہ ، سینٹرس کو ہدایات جاری 

اسکول وائز اساتذہ کی فہرست طلب ، ایک سینٹر کے ٹیچر دوسرے سینٹر پر سپرویزن کریں گے 

نقل نویسی سے پاک امتحانات کے انعقاد کیلئے ڈسٹرکٹ ویجیلنس کمیٹی کا قیام ، امتحانی مراکز پر اسکاؤٹ کی ٹیمیں اور پولس تعینات کرنے کا فیصلہ 

ناسک : 19 فروری (بیباک نیوز اپڈیٹ) امتحانات کو خوش اسلوبی اور پرامن طریقے سے اور نقل نویسی سے پاک منعقد کرنے کے لیے ریاست بھر میں مختلف اقدامات کئے جا رہے ہیں ۔اسی سلسلے میں ڈسٹرکٹ ویجیلینس کمیٹی کا اجلاس اور نقل سے پاک امتحانی مہم کا انعقاد کیا گیا تاکہ امتحان کے صحیح طریقے سے انعقاد کو یقینی بنایا جا سکے اور امتحانی مراکز پر کسی قسم کی کوتاہی نہ ہو۔ 

اس تناظر میں مہاراشٹر اسٹیٹ سیکنڈری و ہائر سیکنڈری بورڈ نے مطلع کیا ہے کہ مہاراشٹر اسٹیٹ بورڈ آف سیکنڈری اینڈ ہائر سیکنڈری ایجوکیشن کی کی جانب سے فروری/مارچ 2023 کے مہینے میں سیکنڈری و ہائر سیکنڈری سرٹیفکیٹ (بارہویں) کا امتحان 21 فروری سے 21 مارچ تک منعقد کیا جائے گا۔ /اسی طرح 2مارچ سے سیکنڈری اسکول سرٹیفکیٹ ‏(دسویں)کے  امتحانات 25 مارچ تک منعقد کیا جارہا ہے۔

اس ضمن میں ایک سرکلر ناسک ضلع پریشد نے جاری کیا ہے ۔لیٹر میں گٹ شکشن ادھیکاری کو دی گئی ہدایات کے مطابق تعلقہ کے تمام امتحانی مراکز کے ڈائریکٹر کو چاہیے کہ وہ ہر پرچے کے لیے ایک اسکولوں کے اساتذہ کو دوسری اسکولوں کے مرکز پر روانہ کریں اسی طرح ایک اسکول سے جو گزشتہ روز امتحانی مرکز میں بطور سپروائزر اپنی خدمات پیش کرچکے ہیں انہیں اطراف کے اسکولوں کے مراکز پر منتقل کریں اور ان کی فہرست فراہم کی جائے۔ ان اسکولوں کی فہرست میں نگران(سپروائزرس) کا تقرر مذکورہ سنٹرل ڈائریکٹر کے ذریعہ کیا جانا چاہئے۔اور اسکی رپورٹ ایم یو پنگلکر ایجوکیشن آفیسر سیکنڈری آفس برائے (تعلیم)کو فوراً جمع کرائی جائے۔

 اس کے علاوہ تعلقہ کے تمام دسویں اور بارہویں بورڈ میں کام کرنے والے اساتذہ کی سبجیکٹ وائز فہرست فوری طور پر سیکنڈری اور ہائر سیکنڈری اسکولوں، جونیئر کالجوں سے حاصل کرتے ہوئے جمع کی جائیں اور مذکورہ ہدایات کے مطابق منصوبہ بندی جاری رکھی جائے۔

 سبجیکٹ وائز(مضمون کے مطابق) اساتذہ کو سپرویزن لگایا جائے، اسپیشل ٹیچرکو بطور سپروائزر اس دن نہ دیا جائے۔اگر امتحانی مرکز میں سی سی ٹی وی سسٹم موجود ہے تو اس بات کو یقینی بنایا جائے کہ سسٹم کام کر رہا ہے اور ڈیٹا اسٹوریج ہو رہا ہے۔

امتحان کے دن پرچہ سے قبل صد فیصد طلبہ کی تلاشی لی جائے اور طلبہ کو اسکول کے احاطے میں داخل ہونے دیا جائے۔ یہ کام پولس پاٹل، کوتوال اور ان کی مدد سے اور بچوں کی جانچ کے لیے اسکول کے عملے کے ساتھ مل کر آنگن واڑی ورکروں، مددگاروں کے ساتھ تال میل میں کیا جانا چاہیے اور ان کی مدد اور اسکول کی خاتون عملہ کو لڑکیوں کی جانچ پڑتال کرنا چاہیے۔

 امتحانی مرکز کے ڈائریکٹر (چیف کنڈکٹر) کو امتحان سے متعلق قبل از امتحان کی مدت کے دوران کئے جانے والے اقدامات کا جائزہ لینا چاہئے۔ گروپ ایجوکیشن آفیسر، گروپ ڈیولپمنٹ آفیسر اور تحصیلدار کے ساتھ مل کر حکومتی سرکلر میں دی گئی ہدایات کے مطابق تعلقہ کے ہر امتحانی مرکز پر اسکاؤٹ کی ٹیمیں مقرر کرنی چاہئے۔ 

 ناسک شہر کے ساتھ ساتھ پورے تعلقہ میں امتحانی مراکز کے ڈائریکٹر کو چاہیے کہ وہ ہر پرچے کے ساتھ ساتھ پچھلے دن امتحانی مرکز میں حاضر ہونے والے طلباء کے اسکولوں کے علاوہ قریبی اسکولوں کے انویجیلیٹروں کی فہرست فراہم کریں۔ان اسکولوں کی مذکورہ فہرست میں نگراں کا تقرر مذکورہ سینٹرل ڈائریکٹر کے ذریعہ کیا جانا چاہئے۔ اس سلسلے میں ناسک شہر اور ناسک تعلقہ میں امتحانات کے ڈائریکٹر کو ضروری ہدایات دی جائیں اور اس سلسلے میں کی گئی کارروائی کا جائزہ لیا جائے۔اسطرح کا تفصیلی سرکلر محکمہ ایجوکیشن ناسک سیکنڈری بورڈ کی جانب سے پروین پاٹل نے جاری کیا ہے ۔