ممبئی میں پھر ایک بار ای ڈی کی کارروائی، سنجئے راؤت کی 11 کروڑ روپے کی جائیداد قرق

ممبئی میں پھر ایک بار ای ڈی کی کارروائی، سنجئے راؤت کی 11 کروڑ روپے کی جائیداد قرق 

ممبئی : 5 اپریل (بیباک نیوز اپڈیٹ) انفورسمنٹ ڈائریکٹوریٹ نے آج شیوسینا کے رکن پارلیمنٹ سنجے راوت پر بڑی کارروائی کرتے ہوئے ان کے فلیٹ اور زمین کو ضبط کر لیا۔

 انفورسمنٹ ڈائریکٹوریٹ نے کہا کہ اس نے شیوسینا لیڈر سنجے راوت کے 1,034 کروڑ روپے کے پترا چاول اراضی گھوٹالہ میں اثاثے ضبط کر لیے ہیں۔ انفورسمنٹ ڈائریکٹوریٹ نے شیوسینا لیڈر سنجے راوت کے علی باغ کی زمین اور دادر اور ممبئی میں ایک ایک فلیٹ 1,034 کروڑ روپے کے پترا چاول اراضی گھوٹالہ کے سلسلے میں ضبط کر لیا۔

اطلاعات کے مطابق ای ڈی نے 11 کروڑ کی جائیدادیں ضبط کی ہیں۔ اس میں سے 9 کروڑ کی جائیداد پروین راوت کی ہے اور 2 کروڑ کی جائیداد سنجے راوت کی بیوی کی ہے۔ انفورسمنٹ ڈائریکٹوریٹ نے راوت کی اہلیہ کے اثاثے ضبط کر لیے ہیں۔ اس میں علی باغ کا پلاٹ اور دادر کا فلیٹ شامل ہے۔

خیال رہے کہ کچھ عرصہ قبل شیوسینا کے رکن پارلیمنٹ سنجے راوت نے نائب صدر وینکیا نائیڈو کو ایک خط لکھا تھا، جس میں دعویٰ کیا تھا کہ 1,034 کروڑ روپے کے پترا چاول اراضی گھوٹالہ معاملے کی جانچ کر رہی انفورسمنٹ ڈائریکٹوریٹ (ای ڈی)، وہ اور ان کے رشتہ داروں، دوستوں اور اپنے اختیارات کا غلط استعمال کر رہے ہیں۔ 

جاننے والوں کے خلاف سنجے راؤت نے الزام لگایا تھا کہ ای ڈی اور دیگر مرکزی ایجنسیوں کا استعمال جمہوری طور پر منتخب حکومتوں کو گرانے کے  "ارادہ" سے کیا جا رہا ہے ۔بہر کیف آج ممبئی میں شیوسینا لیڈر کے مکان پر پولس ای ڈی کی کارروائی سے مہاراشٹر کیلئے سیاست میں بھونچال آگیا ہے ۔وہیں دوسری جانب حکومت مہاراشٹر بھی ای ڈی کیخلاف ایکشن موڈ میں آچکی ہیں ۔تفصیلات کے مطابق حکومت نے مبینہ ہفتہ وصولی معاملہ میں ای ڈی آفیسران کی جانچ کرنے کا فیصلہ کیا ہے ۔