ٹی ای ٹی امتحان گھوٹالہ:تکارام سوپے سمیت 15 ملزمین کیخلاف 3995 صفحات پر مشتمل چارج شیٹ عدالت میں پیش

ٹی ای ٹی امتحان گھوٹالہ:تکارام سوپے سمیت 15 ملزمین کیخلاف 3995 صفحات پر مشتمل چارج شیٹ عدالت میں پیش ؛

 12 مفرور ملازمین کی تلاش جاری، پونہ سائبر پولس کی عدالت میں وضاحت 

پونہ : 15 مارچ (بیباک نیوز اپڈیٹ)ٹی ای ٹی امتحان گھوٹالہ کی تحقیقات کررہی پونہ سائبر پولس نے بروقت ملزمین کو گرفتار کرتے ہوئے درکار قانونی نقاط پر تیار کرتے ہوئے چارج شیٹ عدالت میں پیش کردی ہے ۔اس معاملے میں سائبر پولس نے عدالت میں بتایا کہ اب بھی 12 ملزمین فرار ہیں اور انکی تلاش جاری ہے ۔پولس نے کہا کہ ان 12 ملزمین کے رابطے کن افراد سے اور کیسے رہے ہیں؟ اسکی بھی جانچ ہونا باقی ہے ۔پونہ سائبر کرائم برانچ نے منگل کو ڈپٹی ڈائریکٹر آف ایجوکیشن، آئی اے ایس آفیسر سشیل کھوڈویکر، کمشنر آف ایجوکیشن تکارام سوپے سمیت دیگر 15 افراد کے خلاف چارج شیٹ داخل کیا گیا ہے ۔

تفصیلات کے مطابق ٹیچر ایلیبلیٹی ٹیسٹ (ٹی ای ٹی) امتحانات میں ہوئی بدعنوانی کے معاملے میں 15 ملزمان کے خلاف 3 ہزار 995 صفحات پر مشتمل چارج شیٹ پونہ کورٹ کے فرسٹ کلاس مجسٹریٹ شردھا ڈولارے کی عدالت میں داخل کی گئی ہے۔

 سائبر کرائم برانچ کی جانب سے عدالت میں داخل کی گئی چارج شیٹ 3,995 صفحات پر مشتمل بتائی گئی ہیں۔ سائبر پولیس نے عدالت کو بتایا کہ ملزمان سے ضبط کیے گئے الیکٹرانک آلات اور دستاویزات سے ہمارے پاس پختہ شواہد موجود ہیں۔ سائبر پولیس نے سشیل کھوڈویکر، تکارام سوپے، ابھیشیک ساوریکر، جی۔اے سافٹ ویئر ٹیکنالوجیز کے ڈائریکٹر ڈاکٹر پریتش دیش مکھ اور سفید پوش دلالوں میں انکش ہرکل، سنتوش ہرکل، اجے چوہان ، کرشنا جادھو، انکت چنکھور، سنیل گھولپ، منوج ڈونگرے، سرجیت پاٹل، سوپنل پاٹل، راجندر سالونکی اور مکندا سوریاونشی کے خلاف چارج شیٹ داخل کی گئی ہے ۔

 چارج شیٹ میں ملزمان میں آئی اے ایس افسران، کمشنر ایجوکیشن کونسل، ٹیکنیکل ایڈوائزرز، انسٹرکٹرز، بروکرز اور دیگر شامل ہیں۔ اسسٹنٹ پبلک پراسیکیوٹر نے کہا کہ سائبر پولیس کے پاس ملزم کے جرم میں ملوث ہونے کے الیکٹرانک اور دستاویزی ثبوت موجود ہیں۔ عدالت میں سرکاری وکیل وجے سنگھ جادھو نے پولس کی جانب سے ریکارڈ پیش کیا۔

کس ضلع میں کتنے بوگس اساتذہ ؟

ممبئی (مشرق) 40، ممبئی (مغرب) 63، ممبئی شمال 60، رائے گڑھ 42،تھانہ 557 ،پال گھر 176، پونہ 395 ،احمد نگر 149 ،شولا پور 171، ناسک 1154،دھولیہ 1002 ،جلگاؤ‍ں 614،نندور بار 808 ،کولہا پور 126 ،ستارا 58، سانگلی 123 ،رتنا گیری 37 ،سندھو درگ 22، اورنگ آباد 458 ،جالنہ 114،بیڑ 338 ،پربھنی 163 ،ہنگوہی 43 ،امراوتی 173 ،بلڈانہ 340، آکولہ 143 ،واشم 80 ،ایوت محل 70، ناگپور 52،بھنڈارا 15،گوندیا 09 ،وردھا 16،چندر پور 10، گڈچرولی 10 ،لاتور 157 ،عثمان آباد 46، نادیڑ 259 -