تاؤتے طوفان سے مہاراشٹر میں شدید بارش، معمولات زندگی متاثر، ممبئی سمیت کوکن میں تباہی 8 سے زائد لوگوں کی موت ‏

تاؤتے طوفان سے مہاراشٹر میں شدید بارش، معمولات زندگی متاثر، ممبئی سمیت کوکن میں تباہی 8 سے زائد لوگوں کی موت 

ممبئی :18 مئی (بیباک نیوز اپڈیٹ) تاؤتے طوفان نے ممبئی سمیت مہاراشٹرا کے بیشتر علاقوں میں گہرا اثر دکھایا ۔ مہاراشٹر کے کوکن علاقے میں 6 افراد کی موت ہوگئی ہے۔ جبکہ تین ملاح کے لاپتہ ہونے کی اطلاع ہے۔ پیر کے روز ممبئی میں بھی تیز بارش ہوئی جس سے سمندر میں تیز لہریں اٹھیں۔ باندرا ورلی سی لنک اور ممبئی ایئرپورٹ بند تھا۔ متعدد مقامات پر پانی کا جماؤ بھی دیکھنے کو ملا۔ رتناگری اورسندودرگ کے ساحل پر طوفان نے نقصان پہنچایا۔ ضلع رائے آباد میں 3 ، سندھودرگ میں 1 اور 2 افراد کی موت نوی ممبئی اور الہاس نگر میں ہوئی ۔طوفان کی وجہ سے اب تک 8 لوگوں کی موت ہوگئی ہے۔مہاراشٹر میں متعدد علاقوں میں شدید بارش سے درخت کے گھرانے، گھر تباہ ہونے اور بجلی کے تار گرنے کے متعدد واقعات پیش آئے ۔طوفان کا اثر پورے مہاراشٹر میں دیکھنے کو مل رہا ہے ۔ریاست کا موسم ابر آلود ہیں اور تیز ہواؤں کے ساتھ بارش ہورہی ہے جس کے سبب متعدد حادثات پیش آئے ہیں ۔