مراٹھا ریزرویشن آرڈیننس کے ساتھ ہی مسلم ریزرویشن آرڈیننس بھی جاری کیا جائے،مہاراشٹر پردیش کانگریس صدر سے آصف شیخ کا مطالبہ۔ مہاراشٹر کے مسلمانوں میں ناراضگی و غصہ، کامن منیمم پروگرام پر عمل درآمد کر مسلم ریزرویشن دیا جائے

مراٹھا ریزرویشن آرڈیننس کے ساتھ ہی مسلم ریزرویشن آرڈیننس بھی جاری کیا جائے،مہاراشٹر پردیش کانگریس صدر سے آصف شیخ کا مطالبہ 

مہاراشٹر کے مسلمانوں میں ناراضگی و غصہ، کامن منیمم پروگرام پر عمل درآمد کر مسلم ریزرویشن دیا جائے

مالیگاؤں :14 ستمبر (پریس ریلیز) مہاراشٹر کے مسلمان مسلم ریزرویشن کو لیکر فکر مند ہیں، نوجوان تعلیم اور نوکریوں کے حصول کیلئے پریشان ہوریے ہیں، مسلم ریزرویشن کو لیکر مسلمانوں میں جوش کو ماحول پیدا ہورہا ہے، نوجوان طبقہ اپنے غصے کا اظہار کررہا ہے اور حکومت سے امید لگا بیٹھا ہے کہ مہاراشٹر کی سرکار کامن مینمم پروگرام کے تحت مسلمانوں کو تعلیم اور سرکاری نوکریوں میں ریزرویشن دے گی تو ایسے میں ہم مہاراشٹر کانگریس سے مطالبہ کرتے ہیں کہ مراٹھا سماج کے لئے آرڈیننس جاری کرنے کے ساتھ ہی ممبئی ہائی کورٹ کے فیصلے کے مطابق  مسلم سماج کو ٪5 ریزرویشن کا آرڈیننس جاری کیا جائے۔اسطرح کا مطالبہ مالیگاؤں کے سابق ایم ایل اے و مسلم ریزرویشن فیڈریشن کے بانی و تحریک ریزرویشن کنوینر آصف شیخ رشید نے مہاراشٹر پردیش کانگریس کے صدر بالا صاحب تھورات سے کیا ہے ۔آصف شیخ نے تفصیلی مطالباتی مکتوب میں لکھا ہے کہ ریاست کی کل آبادی میں سے ٪15 آبادی مسلم سماج کی ہیں۔حکومت نے جسٹس راجیندر سچر، رنگن ناتھ مشرا کمیشن اور ڈاکٹر محمود الرحمن کمیٹی کی تشکیل کر احوال طلب کیا تھا اس رپورٹ کی روشنی میں ریاست کی مسلم کمیونٹی تعلیمی ، معاشرتی اور معاشی طور پر پسماندہ ہے اور انتہائی قابل رحم حالت میں ہے۔  لہذا مسلم کمیونٹی کے افراد کو سرکاری نوکری اور تعلیم میں ریزرویشن دینے کی ضرورت ہے۔حکومت نے کمیٹیوں کی تمام سفارشات کو قبول کرلیا تھا۔  لیکن چونکہ حکومت نے منظور شدہ سفارش پر عمل درآمد شروع نہیں کیا ۔آصف شیخ نے کانگریس صدر بالا صاحب تھورات سے کہا کہ میں نے خود بھی متعدد مسلم تعلیمی اور سماجی تنظیموں اور ریاست بھر کے الگ الگ افراد، تنظیموں کے ساتھ مالیگاؤں سے ممبئی تک 300 کلومیٹر پیدل مارچ کیا تھا تاکہ مسلم ریزرویشن کے لئے اس وقت کی حکومت کی توجہ مبذول کروا کر ریزرویشن حاصل کیا جاسکے ۔ اور ہمارے احتجاج کا نوٹس لیتے ہوئے ڈیموکریٹک الائنس حکومت نے 2014 میں مراٹھا برادری کو ٪16 اور مسلم برادری کو ٪5 ریزرویشن دینے کا اعلان کیا۔  تاہم ، کچھ لوگوں نے ممبئی ہائی کورٹ میں مسلم ریزرویشن کو چیلنج کیا ، جس کے سبب کورٹ نے ملازمت میں ٪5 منسوخ کرتے ہوئے مسلمانوں کیلئے تعلیم میں ٪5 ریزرویشن کو برقرار رکھا۔  اکتوبر 2014 میں ریاست میں اقتدار کی تبدیلی کے بعد  بی جے پی حکومت تشکیل دی گئی اور حکومت نے اپنے پہلے ناگپور کنونشن میں مراٹھا برادری کے لئے ٪16 ریزرویشن کا آرڈیننس پاس کیا۔ لیکن اسی کے ساتھ ٪5 مسلم ریزرویشن آرڈیننس پاس نہیں ہوا ہے ، جس کے نتیجے میں مسلم ریزرویشن آرڈیننس خود بخود قانونی طور پر منسوخ ہوگیا ۔جس سے ریاست میں مسلم سماج کے طلباء کو بہت بڑا تعلیمی اور معاشی نقصان ہوا ہے۔  مسلم معاشرے کے لاکھوں پڑھے لکھے نوجوان مرد اور خواتین بے روزگار ہوگئے۔آصف شیخ رشید نے مہاراشٹر پردیش کانگریس صدر بالا صاحب تھورات سے کہا کہ حالیہ خبروں سے پتہ چلتا ہے کہ حکومت مراٹھا ریزرویشن آرڈیننس لائے گی تاکہ مراٹھا سماج کے طلباء کو کسی قسم کا تعلیمی نقصان نہ اٹھانا پڑے۔ ہم مراٹھا ریزرویشن آرڈیننس کی مکمل حمایت کرتے ہیں۔  لیکن مسلم ریزرویشن آرڈیننس لانا بھی انصاف کے نقطہ نظر سے لازمی ہے۔  ریاست میں اقتدار کی تبدیلی نے مسلم کمیونٹی کے تحفظات اور خوش آئند فیصلوں کی امیدوں کو جنم دیا ہے۔  اس سے قبل ، ممبئی ہائی کورٹ نے مسلم ریزرویشن پر فیصلہ سنایا تھا اور نوکریوں میں ریزرویشن کو کالعدم قرار دے کر تعلیمی ریزرویشن کو بحال کیا تھا۔  حکومت مذکورہ فیصلے کے خلاف ہائیکورٹ میں رٹ پٹیشن دائر کرے اور مسلم کمیونٹی کو سرکاری ملازمتوں اور تعلیم میں ٪5 ریزرویشن برقرار رکھنے کی درخواست کرے۔ شیخ آصف نے کہا کہ آپ سے درخواست کی جارہی ہے کہ  مہاوکاس اگھاڑی سرکار کے تحت ریاست میں ریزرویشن کا مسئلہ ختم ہونے ہی والا ہے۔  چونکہ مسلم کمیونٹی ایک محروم طبقہ ہے لہذا ان کو تعلیم دینے کے لئے ریزرویشن کی بہت زیادہ ضرورت ہے لہذا مراٹھا ریزرویشن آرڈیننس کے ساتھ ساتھ مسلم ریزرویشن آرڈیننس کو بھی منظور کرکے ریاست کے مسلمانوں کو ریزرویشن دیا جانا چاہئے۔اس مکتوب کی ایک کاپی کانگریس کے وزیر شہری ترقیات و مراٹھا ریزرویشن کمیٹی کے صدر اشوک راؤ چوہان کو بھی دی گئی ہے ۔آصف شیخ نے کانگریس صدر بالا صاحب تھورات اور اشوک چوہان سے کہا کہ میں کانگریس کا سابق ایم ایل اے  اور موجودہ ممبر ہوں، مہاراشٹر بھر سے عوام مجھ سے سوال کرتے ہوئے مسلم ریزرویشن پر کانگریس کا موقف جانتے ہیں ۔مسلم نوجوانوں میں ریزرویشن کو لیکر غصہ نظر آتا ہے اس لئے کانگریس پارٹی کامن مینمم پروگرام کے تحت اس مسئلہ کو جلد از جلد حل کرے اور مسلمانوں کو ریزرویشن دے ۔

...................................................................... 

                         (Advertisement)