مالیگاؤں میونسپل کارپوریشن: این این واڈیا ہسپتال بھرتی کے انٹرویو کی تاریخ تبدیل

مالیگاؤں میونسپل کارپوریشن: این این واڈیا ہسپتال بھرتی کے انٹرویو کی تاریخ تبدیل

 اب اس دن ہوں گے واک اِن انٹرویو، خواہش مند تعلیم یافتہ افراد توجہ دیں 

​مالیگاؤں : 23 اگست (بیباک نیوز اپڈیٹ)مالیگاؤں میونسپل کارپوریشن نے نوزائیدہ این این واڈیا ہسپتال کو جلد از جلد فعال بنانے اور شہریوں کو معیاری طبی سہولیات فراہم کرنے کے مقصد سے کی جانے والی عارضی طبی بھرتی کے واک اِن انٹرویو کی تاریخ میں تبدیلی کا اعلان کیا ہے۔ سابقہ اعلانیہ تاریخ 25 اگست کے بجائے اب یہ انٹرویو 7 ستمبر 2026 کو منعقد کیے جائیں گے۔​کارپوریشن کے آستھاپنا محکمہ کی جانب سے جاری کردہ وضاحت کے مطابق، یہ تمام تقرریاں 6 ماہ کی عارضی بنیادوں (فکسڈ آنریریم) پر کی جا رہی ہیں۔

​بھرتی کی اہم تفصیلات:

​انٹرویو کی نئی تاریخ: 7 ستمبر 2026

​وقت: صبح 11:00 بجے سے شام 5:00 بجے تک

​مقام: مالیگاؤں میونسپل کارپوریشن ہیڈ کوارٹر (قلعہ کے سامنے)، مالیگاؤں

​عہدے: میڈیسن، اینستھیشیا، بچوں و خواتین کے ماہر ڈاکٹرز، پیتھالوجسٹ، MBBS/BAMS میڈیکل آفیسرز، سسٹر انچارج، نرسنگ اسٹاف، فارماسسٹ، لیب و ایکس رے ٹیکنیشنز، ڈریسر اور دیگر امدادی عملہ۔

​ماہانہ اعزازیہ: 14,000 روپے سے 80,000 روپے تک (عہدے کے مطابق)

​عمر کی حد: 18 سے 38 سال (پسماندہ طبقات کے لیے 43 سال تک راحت)۔ سابقہ کووڈ یا میونسپل طبی خدمات انجام دینے والوں کے لیے بالائی عمر کی قید لاگو نہیں ہوگی۔

​امیدواروں کے لیے ضروری ہدایات:

خواہشمند و اہلیت رکھنے والے امیدواروں کو ہدایت دی گئی ہے کہ وہ ایک سادہ کاغذ پر مکمل تفصیلات (نام، پتہ، رابطہ نمبر، تعلیمی قابلیت اور تجربہ) کے ساتھ درخواست تیار کریں۔ انٹرویو کے وقت تمام تعلیمی اسناد، تجربی سرٹیفکیٹس (بیشتر عہدوں کے لیے کم از کم 3 سالہ تجربہ مطلوب)، اصل دستاویزات، ان کی تصدیق شدہ نقول اور پاسپورٹ سائز تصاویر ساتھ لانا لازمی ہے۔میونسپل کمشنر رویندرا جادھو کے دستخط سے جاری اس اشتہار میں واضح کیا گیا ہے کہ نااہل یا نامکمل دستاویزات والے امیدواروں کو شامل نہیں کیا جائے گا اور نہ ہی کوئی سفری الاؤنس (TA/DA) دیا جائے گا۔