کارپوریشن چناؤ : تین مرحلوں میں ووٹنگ کرانے ریاستی الیکشن کمشنر کی نے معلومات ظاہر کی

کارپوریشن چناؤ : تین مرحلوں میں ووٹنگ کرانے ریاستی الیکشن کمشنر کی نے معلومات ظاہر کی 

کن علاقوں میں پہلے ، دوسرے اور تیسرے مرحلے میں میں ووٹنگ ہوگی؟ دیکھئے تفصیلات 

ممبئی : 7 جون (بیباک نیوز اپڈیٹ) سپریم کورٹ نے 6 جون بروز جمعہ کو ریاست میں بلدیاتی اداروں یعنی میونسپل کارپوریشنوں، ضلع پریشد اور پنچایت سمیتیوں کے انتخابات کا اعلان ایک ماہ کے اندر کرائے جانے کے حکم کے بعد، الیکشن کمیشن نے ریاست میں تیاریاں شروع کر دی ہیں۔ریاستی الیکشن کمیشن کے کمشنر دنیش واگھمارے نے کہا کہ وہ انتظامی منصوبہ بندی کے مطابق تین مرحلوں میں انتخابات کرانے کا منصوبہ بنا رہے ہیں۔

ریاست میں 29 میونسپل کارپوریشنوں، 257 میونسپلٹیوں، 26 ضلع پریشد اور 288 پنچایت سمیتیوں کے لیے یہ انتخابات اکتوبر کے مہینے میں ہوں گے۔ مجموعی طور پر انتخابی عمل کو حتمی شکل دینے میں تین سے ساڑھے تین ماہ لگیں گے۔ ریاستی الیکشن کمشنر واگھمارے نے کہا کہ اس لیے انتخابات اکتوبر میں کرائے جا سکتے ہیں۔ کچھ دن پہلے ریاستی الیکشن کمیشن نے تمام میونسپل کارپوریشنوں اور ضلع پریشد کو ایک خط بھیجا تھا۔ جس میں جون کے آخر تک وارڈز، وارڈوں کے حلقے اور گروپس بنانے کا حکم دیا گیا ہے۔

الیکشن کمیشن کے مطابق پہلے مرحلے میں شمالی اور جنوبی مہاراشٹر میں ووٹنگ ہوگی۔ دوسرے مرحلے میں ودربھ، مغربی مہاراشٹرا اور مراٹھواڑہ اور تیسرے مرحلے میں ممبئی، تھانہ اور کوکن میں ووٹنگ کرانے کا منصوبہ ہے۔ ایک ہی مرحلے میں بلدیاتی انتخابات کے لیے 1 لاکھ 50 ہزار ای وی ایم کی ضرورت ہوگی۔ تاہم چونکہ ریاستی الیکشن کمیشن کے پاس صرف 65 ہزار ای وی ایم ہیں، کمیشن تین مرحلوں میں انتخابات کرانے کی تیاری کر رہا ہے۔

وارڈ کا ڈھانچہ 2011 کی مردم شماری کے مطابق ہوگا۔ بعض مقامات کی ساخت اور حدود میں تبدیلیاں ہوں گی۔ سپریم کورٹ نے مئی 2025 کو ہونے والی سماعت کے دوران ڈھائی سے تین سال تک تاخیر کا شکار ہونے والے بلدیاتی انتخابات چار ماہ میں کرانے کا حکم دیا تھا اس لیے کمیشن اکتوبر تک انتخابات کرانے کا ارادہ رکھتا ہے۔ واگھمارے نے کہا کہ بلدیاتی انتخابات کے شیڈول کا اعلان کرنے سے پہلے بارش کی پیشن گوئی کے بعد محکمہ موسمیات کے ماہرین کے ساتھ بات چیت کی جائے گی۔