مسلح ڈاکوؤں نے بندوق کی نوک پر 23 سالہ لڑکی کو اغوا کر لیا، زیورات لوٹ کر فرار، پولس تفتیش جاری

مسلح ڈاکوؤں نے بندوق کی نوک پر  23 سالہ لڑکی کو اغوا کر لیا، زیورات لوٹ کر فرار، پولس تفتیش جاری 

 دھولیہ : 27 نومبر (بیباک نیوز اپڈیٹ) ساکری میں ڈاکوؤں نے بندوق کی نوک پر 23 سالہ لڑکی کو سونے اور چاندی کے زیورات سمیت اغوا کر لیا۔  مغوی لڑکی کے والد کا کہنا تھا کہ اس واقعے میں ڈاکوؤں نے چہروں پر ماسک لگائے تھے اور وہ ہندی میں بات کر رہے تھے۔  اس واقعے کے بعد پولس نے مغوی لڑکی کی کال ڈیٹیل حاصل کی۔ چھ افراد جن کے ساتھ اس نے سب سے زیادہ بات چیت کی تھی انہیں پوچھ گچھ کے لیے حراست میں لیا گیا ہے۔

 دھولیہ ضلع کے ساکری قصبے میں ڈاکوؤں نے ایک گھر میں ڈکیتی کی اور 88,500 روپے کے زیورات لوٹ لئے۔ اس گھر کی 23 سالہ نوجوان لڑکی کو اغوا کر لیا۔ جیوتسنا پاٹل (40 سال) اور اسکی  بھانجی نشا شیوالے ساکری کے نواپور روڈ پر واقع مکان میں ٹی وی دیکھ رہی تھیں۔ ڈاکوؤں نے گھر کے دروازے پر دستک دی ۔ گھر کا دروازہ کھولنے کے بعد چھ ڈاکوؤں نے دونوں کو اسلحے سے ڈرایا۔ الماری میں موجود تقریباً 88 ہزار پانچ سو روپے مالیت کے زیورات چوری کرلئے۔  اس کے علاوہ جیوتسنا پاٹل کے ہاتھ پاؤں بندھے ہوئے تھے اور نشا کو اغوا کر لیا گیا تھا۔

 جیوتسنا پاٹل کا شوہر کسی کام سے سنگمنیر گیا ہوا تھا۔   یہ واقعہ رات 10:30 سے ​​11:00 بجے کے درمیان اس وقت پیش آیا جب نشا اور جیوتسنا رات کا کھانا کھانے کے بعد گپ شپ کر رہے تھے۔  ڈاکوؤں کے ہاتھوں میں بندوق اور چاقو تھے۔ پولس کی جانب سے ان ڈاکوؤں کو پکڑنے کے لیے پانچ ٹیمیں تشکیل دی گئی ہیں جنہیں گجرات اور مدھیہ پردیش روانہ کیا گیا ہے۔