پولس بھرتی امتحان میں فیل ہونے پر نوجوان کی خودکشی، ناسک میں مقدمہ درج

پولس بھرتی امتحان میں فیل ہونے پر نوجوان کی خودکشی ، ناسک میں مقدمہ درج 

 

 ناسک : 23 نومبر (بیباک نیوز اپڈیٹ) پولس ڈپارٹمنٹ میں شامل ہونے کا خواب دیکھنے والے نوجوان نے امتحان میں کم نمبرات آنے کی وجہ سے انتہائی قدم اٹھایا ہے ۔ امتحان میں کم نمبر آنے پر 22 سالہ نوجوان نے زہر کھا کر خودکشی کر لی۔ امبڑ پولیس اسٹیشن ناسک میں موت کی رپورٹ درج کر لی گئی ہے۔تفصیلات کے مطابق راہل بھانوداس چوگلے (عمر 22 ساکن ایکلو پوائنٹ، امبڑ) خودکشی کرنے والے نوجوان کا نام بتایا گیا ہے۔ پولیس کے مطابق راہول چوگولے نے گزشتہ ہفتے پولیس بھرتی کے امتحان میں شرکت کی تھی۔ اس امتحان کے نتائج کا اعلان آن لائن کیا گیا۔ اس امتحان میں ناکام ہونے کے بعد راہل افسردہ ہو گئے۔اسی ڈپریشن سے دلبرداشتہ ہو کر اس نے جمعہ 20 نومبر کی رات تقریباً 9.30 بجے زہریلی دوا پی لی۔ جس کے بعد راہول کو الٹیاں اور دیگر مسائل ہونے لگے اور اس کے والد نے اسے علاج کے لیے ایک پرائیویٹ اسپتال میں داخل کرایا۔ لیکن علاج کے دوران اتوار 21 نومبر کی صبح اس کی موت واقع ہوگئی۔مزید تفتیش سینئر پولیس انسپکٹر کمار چودھری کی رہنمائی میں جاری ہے۔