’’قبول ہے، قبول ہے، قبول ہے ‘‘! آدھی رات کو نواب ملک نے سمیر وانکھیڑے کا ٹوپی،کرتا والا فوٹو ٹویٹ کر کہا "سمیرا داؤد وانکھیڑے تم نے یہ کیا کردیا؟" ۔

’’قبول ہے، قبول ہے، قبول ہے ‘‘! آدھی رات کو نواب ملک نے سمیر وانکھیڑے کا ٹوپی،کرتا والا فوٹو ٹویٹ کر کہا "سمیرا داؤد وانکھیڑے تم نے یہ کیا کردیا؟" ۔

ممبئی : 22 نومبر (بیباک نیوز اپڈیٹ) پچھلے کچھ دنوں سے وزیر نواب ملک اور این سی بی کے ڈویژنل ڈائریکٹر سمیر وانکھیڈے پر منشیات کے معاملے میں الزامات لگائے گئے ہیں۔ اب اس بحث میں خاندان کے افراد بھی کود پڑے ہیں۔ اس بیچ نواب ملک نے ایک بار پھر آدھی رات کو ٹوئٹر کے ذریعے وانکھیڑے کو نشانہ بنایا ہے۔ انہوں نے وانکھیڑے کی ایک پرانی تصویر ٹویٹ کی اور کچھ سوالات بھی اٹھائے۔ اس تصویر میں سمیر وانکھیڑے مسلم لباس میں نظر آ رہے ہیں۔ اس دوران سب کی نظریں سمیر وانکھیڑے کے ردعمل پر لگی ہوئی ہیں۔

 ملک کی طرف سے پوسٹ کی گئی تصویر میں سمیر وانکھیڑے اور ایک اور شخص (قاضی) کو دکھایا گیا ہے۔ یہ تصویر سمیر کی شادی کے وقت کی معلوم ہوتی ہے۔ ملک نے تصویر کی مزید وضاحت نہیں کی لیکن کچھ سوالات اٹھائے۔ ‘قبول ہے، قبول ہے، قبول ہے… سمیر داؤد وانکھیڑے تم نے یہ کیا کردیا ؟’ یہ نواب ملک کا وانکھیڑے کے متعلق قابل اعتراض ٹویٹ ہے۔

  نواب ملک اس وقت دبئی کے سرکاری دورے پر ہیں۔ وہاں سے انہوں نے سمیر وانکھیڑے کو نشانہ بنایا۔ اس سے قبل سمیر وانکھیڑے پیدائشی طور پر مسلمان ہونے کا ملک نے دعویٰ کیا ہے ۔ اس نے بوگس کاسٹ سرٹیفکیٹ حاصل کرکے پسماندہ طبقات کے ریزرویشن کا حق چھین کر سرکاری نوکری حاصل کی۔ یہ معاملہ ممبئی ہائی کورٹ میں زیر سماعت ہے۔ دوسری جانب سمیر وانکھیڑے کے والد دنیدیو وانکھیڑے نے نواب ملک کے خلاف 50 لاکھ روپے ہتک عزت کا دعویٰ دائر کیا ہے۔