اب ناندیڑ میں بھی این سی بی کی بڑی کارروائی! 4 کروڑ مالیت کا گانجہ ضبط
ناندیڑ: (ایجنسی / بیباک نیوز اپڈیٹ) موصولہ اطلاع کے مطابق ممبئی این سی بی کی ایک ٹیم نے پیر (15 دسمبر) کی صبح ناندیڑ ضلع میں ایک بڑی کارروائی کی ہے۔ ناندیڑ ضلع کے نائگاؤں تعلقہ کے موجے منجرم میں ایک ٹرک (MH26 AD 2165) سے 35 تھیلوں میں 4 کروڑ روپے مالیت کے گانجہ کی اسمگلنگ پکڑی ہے ۔ یہ بھنگ وشاکھاپٹنم سے ریاست میں فروخت کے لیے لائی گئی تھی۔ اس سلسلے میں ممبئی این سی بی کی ٹیم مزید کارروائی کر رہی ہے۔
موصولہ اطلاعات کے مطابق نائگاؤں تعلقہ کے موجے منجرم میں بڑی مقدار میں بھنگ غیر قانونی طور پر اسمگل کی جارہی تھی۔ ممبئی این سی بی ٹیم کو اس کی اطلاع ملی تھی۔ اس اطلاع کی بنیاد پر این سی بی کی ٹیم نے آج صبح منجرم میں جال بچھا دیا۔ گاؤں والوں، مقامی پولیس وغیرہ کی مدد سے اسکواڈ نے ایک ٹرک کو روکا۔ٹرک کی تلاشی لینے پر چرس کے 35 تھیلے برآمد ہوئے جن کی مالیت 4 کروڑ روپے تھی۔ یہ کارروائی این سی بی افسر امول مورے، سدھاکر شندے، سنجے گاولی، پرمود مورے، کرشنا پرمداریکر نے کی ہے۔
منجرم کے گاؤں والوں بشمول گجاجن پاٹل، سرپنچ شری کانت نیلکنتھ منجرمکر، پولس پاٹل جئےراج پاٹل شندے، وسنت شنڈے، اندرجیت پٹوے، باپوراؤ پٹوے نے ٹیم کی مدد کی۔آج ہی جلگاؤں کے ارنڈول ہائے وے پر بھیج پولس نے 1500 کلو گانجہ ضبط کیا ہے ۔
اشاعتیں
0 تبصرے
bebaakweekly.blogspot.com