ڈاکٹر آپکے دروازے پر" مہم کے ساتھ 11 گشتی ایمبولینس دواخانوں کا افتتاح

"ڈاکٹر آپکے دروازے پر" مہم کے ساتھ 11 گشتی  ایمبولینس دواخانوں کا افتتاح

میئر طاہرہ شیخ ،دادا بھسے ،کمشنر ،کلکٹر اور ڈویژنل کمشنر کی موجودگی میں بھارتیہ جین سنستھا کا قابل تعریف اقدام

مالیگاؤں 2 مئی (بیباک@ نیوز اپڈیٹ) "ڈاکٹر آپکے دروازے پر" مہم کے ساتھ ہی مالیگاؤں کارپوریشن نے 11 گشتی ایمبولینس کا افتتاح آج مالیگاؤں کارپوریشن کی اولین، شہری میئر طاہرہ شیخ رشید اور ریاستی وزیر دادا بھسے کی موجودگی میں کیا ۔اس موقع پر ضلع کلکٹر سورج مانڈھرے ،ڈویژنل کمشنر راجا رام مانے، مالیگاؤں کارپوریشن کے کمشنر ترمبک کاسار اور جین سماج کی تنظیم بھارتیوں جین سنسھتا کے ذمہ داران موجود تھے جہاں ریاستی وزیرستان دادا بھسے نے کہا کہ ڈاکٹر آپکے دروازے پر مہم کے تحت مالیگاؤں کی عوام کی خدمت میں ایکساتھ 11 ایمبولینس کا افتتاح انسانیت کے جذبہ سے پر ہے یقیناً مالیگاؤں کی عوام کو اس ایمبولینس دواخانوں سے فائدہ ملے گا ۔ہمیں کورونا کی روک تھام کیلئے مدد ملے گی وہیں ضلع کلکٹر، ڈویژنل کمشنر نے بھی اپنے خیالات کا اظہار کیا، انہوں نے کہا کہ یہی ایمبولینس عوام کے دروازے پر آکر مریضوں کو درکار ضروریہ ادویات فراہم کریگی اور اگر کسے بہت زیادہ تکالیف ہے تو اسے بڑے ہاسپٹل روانہ کیا جائے وگرنہ انکی مفت میں جانچ کرتے ہوئے دوا گولی دی جائے گی ۔اس موقع پر یہاں کانگریس کی میئر طاہری شیخ کی جانب سے موصول پریس نوٹ بھی قارئین کی خدمت میں پیش کی جارہی ہے۔جس میں انہوں نے کہا کہ مالیگاؤں کارپوریشن نے پہلے دن سے ہی کرونا کے خلاف اپنی لڑائی جاری رکھی شہر کے پرائیوٹ ہاسپٹل نہ کھلنے سے کئی تکالیف کا سامنا کرنا پڑا لیکن سابق رکن اسمبلی آصف شیخ رشید صاحب نے وزیر صحت راجیش ٹوپے صاحب سے فون پر گفتگو کرکے مالیگاؤں شہر کے مسائل بتاتے ہوئے انہیں مالیگاؤں آنے کی دعوت دی اور دوسرے ہی دن وزیر صحت مالیگاؤں تشریف لے آئے اور انہوں نے آرڈر جاری کیا کہ جو ڈاکٹرس اپنا ہاسپٹل نہیں کھولیں گے ان کا لائسنس کینسل کیا جائے گا۔ہاسپٹلس کھل جانے کے بعد بھی عوام کو چھوٹے کلینک میں لمبی لائن لگانا پڑرہا ہے اور تکالیف کا سامنا کرنا پڑرہا ہے اسی بات کو مدنظر رکھتے ہوئے "میئر طاہرہ شیخ صاحبہ"  نے "بھارتیہ جین سنستھا " کی مدد سے کارپوریشن کی جانب سے 11 ایسی ایمبولینس عوام کے لئے مختص کی ہیں جو پورے شہر کے ہر محلے میں گشت کریگی اور OPD کی شکل میں عوام کی خدمت کریگی چھوٹی موٹی بیماریوں کے لئے عوام اس گشتی ایمبولینس دواخانہ سے دوائیاں حاصل کرسکتی ہے آج بروز سنیچر الیکٹرانک و پرنٹ میڈیا کے سامنے ان 11 ایمبولینس کا آغاز کیا جلد ہی عوام اس سے فائدہ حاصل کرسکے گی، یہاں شیوسینا کے وزیر دادا جی بھوسے صاحب، میئر طاہرہ شیخ صاحبہ ،سابق میئر شیخ رشید صاحب،ضلع کلکٹر سورج مانڈھرے صاحب کے علاوہ ضلع ایس پی ڈاکٹر آرتی سنگھ اور ایس پی سندیپ گھوگے وغیرہ شامل تھے۔