ڈیلٹا پلس' ویرینئٹ سے مہاراشٹر میں دوبارہ پابندیاں ! ممبئی سمیت 33 اضلاع میں ان لاک 3 کے قواعد کا نفاذ ؛ ایک، دو مرحلے کی مراعات منسوخ ‏

'ڈیلٹا پلس' ویرینئٹ سے مہاراشٹر میں دوبارہ پابندیاں ! ممبئی سمیت 33 اضلاع میں ان لاک  3 کے قواعد کا نفاذ ؛ ایک، دو مرحلے کی مراعات منسوخ 

 50 لاکھ شہریوں کو تیسری لہر میں انفیکشن کا خدشہ؟عوام کو محتاط رہنے کی ضرورت:ماہرین صحت

  ان لاک 3 میں کونسے اضلاع کا شمار ہیں؟ کیا شروع  اور کیا بند

 رہیں گے؟ 

 ممبئی: 26 جون (بیباک نیوز اپڈیٹ) جہاں ریاست میں کورونا وائرس کی دوسری لہر سرد ہورہی ہیں ۔وہیں کورونا وائرس کا ڈیلٹا پلس مختلف شکل اختیار کرچکا ہے۔ کرونا کی تیسری لہر سے بھی خبردار کیا گیا ہے۔اس پس منظر میں ٹھاکرے حکومت نے ان لاک ایک اور دو سطحوں کی کورونا پوزیٹیٹیٹی ریٹ کو منسوخ کرنے اور صرف تین سطحوں ، 3 ، 4 اور 5 رکھنے کا فیصلہ کیا ہے۔  اس فیصلے کے نتیجے میں 33 اضلاع میں سطح 3 پابندیاں لگائی گئیں۔  ایک اور دو سطح والے اضلاع میں اب تک تیسری سطح کی پابندیاں ہوں گی۔  گذشتہ ہفتے ریاست کے 25 اضلاع سطح 1 میں تھے۔ اس کے علاوہ ، 8 اضلاع پہلے سے ہی سطح تین میں تھے۔  اب ان تمام اضلاع میں سطح تین کے مطابق پابندیاں عائد ہوں گی۔

سطح 3 کے اضلاع اس طرح ہیں:

 ممبئی سٹی اور نواحی علاقے ، ناسک ، عثمان آباد ، سانگلی ، بیڑ ، پال گھر ، پونہ ، ستارا ، سندھوورگ ، احمد نگر ، آکولہ ، اورنگ آباد ، گڈچیرولی ، تھانہ ، امراوتی ، بھنڈارا ، بلڈانہ ، چندر پور ، دھولیہ ، گوندیا ، ہنگولی ، جلگاؤں ، جالنہ ، لاتور ، ناگپور ، ناندیڑ ، نندرور ، پربھنی ، شولا پور ، وردھا ، واشم ، ایوت محل سمیت 33 اضلاع میں سطح 3 کے تحت نافذ کردہ قوانین کی پابندی ہوگی۔  ریاست میں سطح 2 اور 5 میں کوئی ضلع نہیں ہے۔  رائے گڑھ ، رتناگری اور کولہاپور اضلاع سطح 4 میں ہیں۔

 سطح 3 میں کیا شروع  اور کیا بند ہونگے

  تیسرے درجے میں ایشیاء ضروریہ کی دکانوں اور اداروں کو دن میں شام 4 بجے تک جاری رہنے کی اجازت ہوگی۔ غیر ضروری  دکانیں اور ادارے پیر سے جمعہ شام 4 بجے تک کھلے رہیں گے۔سنیچر اور اتوار کو مکمل لاک ڈاؤن ہوگا ۔صرف ضروری اشیاء کی دکانیں شام 5 سے 7 بجے تک کھلی رکھنے کی اجازت ہوگی ۔اسی طرح ریستوراں ، ہوٹلوں کو 50 فیصد صلاحیت کے مطابق شام 4 بجے تک کھلے رہنے کی اجازت ہے۔  ہوٹل ہفتے کے آخر سنیچر اتوار کو جاری نہیں رہیں گے۔ اس دوران گھر کی ترسیل (پارسل) کی اجازت ہوگی۔بیباک نیوز مالز ، تھیٹر ، ملٹی پلیکس بند رہیں گے۔میت اور شادی بیاہ و دیگر تقریبات میں 20 افراد کی اجازت ہوگی ۔اسکول کالج و نجی تعلیمی ادارے، ٹیوشن، کوچنگ میں 50 فیصد معلمین 

کو حاضر رہنے کی ہدایات جاری کی گئی ہے جاگنگ ٹریک، اسپورٹس کمپلیکس، کھیل کے میدان صبح 5 بجے سے صبح 9 بجے تک جاری رہیں گے ۔ صحت عامہ کے ملازمین اور ہنگامی خدمات کا عملہ لوکل ٹرین میں سفر کرسکتا ہے ۔جیم خانے، سیلون اور اسپا دکانیں شام 4 بجے تک 50 فیصد صلاحیت پر کھلی رہیں گی۔

 50 لاکھ شہریوں کو تیسری لہر میں انفیکشن کا خدشہ ہے؟

 ایک عبوری سروے کے مطابق کرونا کی تیسری لہر سے ریاست کے تقریبا 50 لاکھ شہریوں کے متاثر ہونے کا خدشہ ہے۔اس سلسلے میں تفصیلات دو روز قبل منعقدہ کابینہ کے اجلاس میں وزیر راجندر شنگانے نے پیش کیا۔

ریاست کو زیادہ محتاط رہنا ہوگا

 وزارت صحت کے ماہرین کا کہنا ہے کہ لاک ڈاون کی پابندیوں کو کم کرنے کے لئے ریاست کو زیادہ چوکس رہنے کی ضرورت ہے۔ آئی سی ایم آر کے ڈائریکٹر جنرل بلرام بھارگاو نے بتایا کہ رائےگڑھ ، سانگلی ، سندھودرگ ، پونہ ، رتناگری ، ستارا ، پالگھر اور عثمان آباد میں انفیکشن کی شرح اب بھی 5 سے 9 فیصد ہے۔  لہذا زیادہ دیکھ بھال کرنے کی ضرورت ہے۔